Со години се води дебата за тоа дали видеоигрите се добри или лоши или дали влијаат врз развојот на лошо однесување кај оние што ги играат. Иако многу истражувања покажаа дека не е лесно да се открие дали видеоиграта е виновна за лошото однесување, има многу што ги истакнуваат позитивните аспекти на играњето видеоигри.

Последното истражување на оваа тема го проучувало влијанието на играњето на видеоиграта „Фортнајт“ врз помладите играчи и открило многу интересни и донекаде изненадувачки работи.

Истражувањето, објавено во списанието „Компјутерс ин хјуман бихејвиор“, вклучувало 845 деца од основно училиште кои играле „Фортнајт“ и флипери. Следењето на нивното однесување и навики додека играле „Фортнајт“ покажало дека децата-гејмери ​​се попозитивни, отворени и попријателски расположени во споредба со децата-гејмери ​​што играле флипери, и покрај фактот дека станува збор за видеоигра во која има насилни елементи.

Истражувачите истакнуваат дека „Фортнајт“, за разлика од некои други видеоигри, не одзема толку многу време, различните мисии и мапи создаваат впечаток на ново искуство секојпат кога некој играч ќе влезе во играта, а играњето со други играчи во тимот поттикнува заедништво и соработка.

Кога истражувачите погледнале малку подобро во податоците, откриле и дека децата што играле „Фортнајт“ имале подобри манири. Поточно, тие биле поподготвени да помогнат и чувствувале поголема емпатија кон другите. Авторите на истражувањето шпекулираат дека фактот дека играчите во „Фортнајт“ мора да функционираат како тим го поттикнува развојот на тимскиот дух и соработката меѓу децата, и ова на крајот го поттикнува нивното чувство на емпатија.

Затоа, следниот пат кога вашето дете ќе ве праша дали може да игра „Фортнајт“, немојте веднаш да кажете не. Наместо тоа, придружете му се и играјте заедно.

Извор