И покрај тоа што денешната технологија овозможува видеоигри со одлична графика, добро би било да ги запознаете вашите деца со постарите ремек-дела за да научат дека уметноста е разговор меѓу вековите.

„Adventure“

Фото: Atari

Класиката на Атари од 1979 година е ремек-дело во минимализмот и дизајнот и совршена прва игра за вашите деца. Користи само 4 кибибајти РАМ-меморија, играта вклучува борби, загатки, истражување, па дури и први „велигденски јајца“ што служат како еден вид докази. Играта е добра и за денешните деца затоа што станува збор за одлична потрага во свет на опасности и херојство.

„Super Mario Bros. 3“

Фото: Nintendo

Сите ја сакаат оваа игра. Невозможно е да не се сака. Совршеното ниво на дизајн, живописната графика, незаборавните ликови и потенцијалот да се навлечете и да станете зависни од неа ја прават оваа видеоигра најдобрата од 80-тите години.

„The Legend of Zelda: Ocarina Of Time“

Фото: Nintendo

Играта ги воодушеви сите кога излезе во 1998 година. Сè што некогаш сме посакале од една видеоигра го понуди токму таа: огромен отворен свет, совршено избалансирани загатки што на почетокот изгледаат невозможни, но всушност не се доволно напорни за да ве фрустрираат, 3Д-игра и борба кои се одлични, незаборавни ликови, прекрасен коњ, одлична музика итн.

„Age of Empires II: The Age of Kings“

Фото: Ensemble Studios

Одличната стратегиска игра што излезе во 1999 година за персоналните компјутери и понатаму е совршена игра за постарите деца. Ви овозможува да водите една од 13. антички цивилизации и да се борите против другите култури со собирање ресурси и оружје и одење во војна. Секоја цивилизација е уникатна, а внимателно избалансираната игра значи дека секоја цивилизација може да порази која било друга, ако играте правилно. Играта не само што ви овозможува да научите нешто повеќе за античките култури туку и ве учи како да размислувате стратешки, како да планирате и организирате и ви дозволува да создадете алтернативна историја во која античка Кореја отишла во војна со Келтите или Хуните се бореле со Астеците.

„SimCity 2000“

Фото: Maxis

Уште една игра совршена за постарите деца. „SimCity 2000“ е доказ дека видеоигрите не мора да бидат насилни, брзи и конкурентни за да бидат интересни. Играта ги предизвикува играчите да растат и да водат свој град, микроуправувана зона со даноци, сообраќајни модели и општински уредби. Звучи досадно, но е целосно фасцинантно.

Играта ќе го промени начинот на размислување на вашето дете за светот околу него.