Идеја што ги подели родителите: Му плаќал на синот по 1 долар за секоја прочитана книга
Дејвид Вудланд од Сан Франциско смислил како да го натера својот син да чита книги – одлучил да му плаќа. За секоја прочитана книга му дава по еден долар.
– На најстариот син му плаќам еден долар секогаш кога ќе прочита книга. Зборуваме за книги што имаат по 160 страници. Оваа година му дадов веќе 120 долари и мисли дека ми зеде многу. Најдобрата инвестиција! – напиша Дејвид на „Твитер“.
Другиот трик е да му дозволи да остане подолго буден исклучиво ако чита книга. Но, многу родители не се согласуваат со неговиот метод и сметаат дека не е паметна идеја да се поткупуваат децата.
We pay my oldest
$1 every time he reads a book. We’re talking 160 page chapter books.
?I’m out $120 this year and he thinks he’s ripping
me off. Best investment ever.— David Woodland
(@DavidSven) July
17, 2020
– Тоа ја убива радоста на учењето – вели еден родител.
– Биди внимателен, бидејќи во иднина може да бара пари за многу други работи – го предупреди друг родител.
– Детето ќе биде фокусирано на пари, а не на страст кон читањето – тврди трет.
Исто така, некои велат дека детето всушност не ги чита книгите, но Дејвид објаснува дека откако ќе заврши со книгата, неговиот син гордо доаѓа и му ги раскажува деталите.
