На сите родители ни треба малку пауза од родителството, малку одмор од децата, малку пауза од гласовите, малку пауза од скокањето, малку одмор од хаосот. Тоа не значи дека не ги сакаме нашите деца, се разбира, туку значи дека ни треба одмор… Ако сакаме да бидеме малку „палави“, ќе кажеме дека точно знаеме каде најчесто се кријат татковците… Токму таму се крие и популарниот Хју Грант. Да, во тоалетот. Во бањата.

Актерот го признал ова за време на неговото појавување во шоуто „Кели Кларксон“, каде што зборувал за воспитувањето на своите пет деца: ќерките Лулу (8) и Блу (6) и синот Џон Мунго (12), кој го дели со сопругата Ана Еберштајн, а тука се и ќерката Табита Ксијао Кси (13) и синот Феликс Чанг Хонг (11), кого го дели со Тинглан Хонг. 64-годишниот актер се шегувал, па кога водителката рекла дека има многу деца, вкупно пет, Грант рекол:

-Да, знам, полудев во моите 50-ти години – истакнал тој, а потоа се пошегувал дека дури не знае колку години имаат.

-Дали сте еден од оние активни полигон татковци – прашала Кларксон, а потоа му појаснила на Грант, кој не го разбрал прашањето:

-Дали децата лазат по вас?

-Ох, ми се допаѓа малку од тоа – рекол Грант со насмевка, пред да стане реален зошто е тоа „опасно“ за него и како се справува со истото:

-Мислам, имам од што да се плашам бидејќи сум стар, бучно е и неподносливо, па често се кријам во тоалет – се пошегувал тој.

Но, по смеењето, следувале и солзи. Очите на гордиот татко се насолзиле додека велел:

-Мислам, вечерва одам дома и, да бидеме искрени, делот кога тие скокаат во твојата прегратка – моето 6-годишно дете тоа го нарекува „прегратка на шимпанзата“. Тоа навистина ми се допаѓа. Се расплакав – додал тој.

Водителката Кели Кларксон во еден момент го прашала за култниот филм „Love Actually“, кој многумина го гледаат одново и одново, особено околу Божиќ. Таа сакала да знае дали тој и неговото семејство го гледаат тој филм секоја година, или можеби не сака да се гледа себеси на екранот.

-Ги терам моите деца да гледаат еден од моите филмови секоја вечер – се пошегувал Грант предизвикувајќи смеа од публиката, пред да продолжи:

-И тие мора да се смеат на моите шеги. Ако не се смеат, не добиваат храна – додал шеговито.

Грант зборувал за своите деца претходно кога се појавил на „Џими Кимел лајв“, каде што зборувал за тоа како ги именувал своите две помали ќерки.

-Имам ќерка која ја нареков… Бев во мала паника со сопругата на денот кога ѝ дадовме име и мислевме дека можеби е убаво за неа кога ќе порасне да може да го каже нејзиното средно име „Опасност“ во барови. Значи, нејзиното име е Лулу Дејнџер Грант.

Што се однесува до неговото 8-годишно дете, Грант објаснил дека нејзиното име е Блу затоа што повторно бил во паника со неговата сопруга, па го прашале нејзиниот постар брат додека таа уште не била родена.

-Рековме: Доаѓа ново бебе, како да ја викаме? И тој рече: „Кевин“, бидејќи тоа беше неговиот омилен мињон. Размислувавме да ја именуваме „Кевин“, но потоа си рековме: „Ајде да смислиме нешто друго“. Па син ми рече Блу, бидејќи тоа беше неговата омилена боја.

Грант е познат по своите шеги, па кој знае што е вистина, а што не. Но, во секој случај, убаво е да се насмееме.

Автор: Наташа Крстичевиќ

Извор