Татко на петорка постави сосема нов Гинисов рекорд во полумаратонско трчање додека турка количка со пет деца. Чад Кемпел е татко на Габриел, Грејсон, Линколн, Ноел и Престон Кемпел, а минатиот викенд го собори рекордот на маратонот во Оукленд.

– Јас сум првиот човек што го направи тоа – изјави Кемпел.

Тој ја завршил трката за 2 часа и 19 минути, далеку под планираното време, со што обезбеди рекорд.

– Децата ми велеа да трчам побрзо, а јас умирав и се препотував. Заборавив колку е тешко тоа, особено кога одам на угорница – вели тој.

Ова беше втор обид на Кемпел да го собори овој специфичен рекорд, а тој го држи и рекордот во трчање маратон со туркање пет деца во количка, подвиг што му успеа на маратонот „Модесто“ во 2019 година кога неговите деца сè уште беа бебиња.

– Трчањето е мојот антидепресив, моето бегство. Секоја емоција ја врзувам со трчањето. Кога станав татко на пет деца, не очекував да соборувам рекорди со нив, но така испадна – изјави тогаш тој.

Извор