Денеска на прес-конференција в.д. директорката на Институтот за јавно здравје, Марија Андоновска, соопшти дека досегашните анализи на примероци земени од чешмите и кујната и другите работни површини покажале присуство на ентеробактери, што укажува на нехигиена во училиштето и е најверојатната причина за труењето на поголем број ученици.

Кај едно дете е констатирано дека има лесно пренослив норовирус, кој може да ги даде истите симптоми и тегоби на кои се пожалија ученици во „Димо Хаџи Димов“, соопшти таа.
Андоновска апелира на зголемена хигиена во училиштето, да се набават нови дезинфициенти и сапуни. Препорача децата со симптоми да останат дома. Доколку има влошување на клиничката слика, да се јават во Центарот за јавно здравје, но пред сè кај нивните матични доктори.