Како грижата за новороденче да не е доволно стресна и без итни случаи, многу родители низ САД мора да се справат со уште поголема вознемиреност поради недостигот на адаптирано млеко за бебиња.

По анализата на резервите во повеќе од 11.000 продавници, аналитичарите за малопродажба откриле дека 40 отсто од најпродаваното адаптирано млеко за доенчиња во државата не се достапни, според податоците од крајот на април оваа година. Бен Рајх, извршен директор на компанијата за податоци, вели дека ова е шокантна бројка што е тешко да се забележи во другите категории на производи.

Родителите не знаат што да прават

Недостигот на адаптирано млеко ги загрижи родителите дали ќе имаат доволно за да ги хранат своите бебиња бидејќи побарувачката за овој производ е поголема од понудата.

Д-р Викторија Реган, педијатар кој работи во детската болница во Тексас, вели дека состојбата е предизвикана од проблеми со синџирот на снабдување за време на пандемијата, заедно со повлекувањето на трите главни брендови на адаптирано млеко претходно оваа година.

– Нашата прва препорака е да повикате педијатар за да дознаете кои видови адаптирано млеко може да бидат добри за вашето бебе и кои се полесно достапни“ – рече Реган, додавајќи дека некои медицински канцеларии нудат бесплатни примероци што доенчињата можат да ги пробаат.

Родителите можат да го променат адаптираното млеко што го консумира нивното бебе

Реган рече дека префрлањето на еквивалентен вид млеко можеби не е толкав предизвик како што мислат родителите.

– Бебињата понекогаш може да бидат пребирливи ако се обидувате да го смените млекото, но најчесто, ако им го давате неколку дена, тие се навикнуваат на вкусот – вели Реган.

Транзицијата може да биде посложена за бебињата со посебни нутритивни потреби.

– Во овие случаи навистина треба да се јавите кај вашиот лекар пред да се обидете да направите какви било промени – вели Реган.

Никогаш не разредувајте го адаптираното млеко за да трае подолго

Таа, исто така, ги предупреди родителите кои се обидуваат да направат сопствена формула според рецепти на интернет или ги разредуваат резервите што веќе ги имаат.

Во некои случаи, последиците може да бидат сериозни.

– Можете да предизвикате напад кај бебето поради недоволно витамини кои му се потребни за правилен раст и развој – рече таа.

Исто така, не се препорачува употреба на кравјо, козјо или млеко од растително потекло

Треба да се одолее на искушението и формулата да се замени со кравјо или козјо или млеко од јаткасти плодови пред бебето да наполни 1 година.

– Бебињата навистина не треба да пијат никаков вид нечовечко млеко. Ако не добиваат млеко од мајката или адаптирано млеко за доенчиња, ќе им недостигаат есенцијални хранливи материи – додава таа.

Извор