Децата во Естонија добиваат најдобро образование. Прочитајте ги петте цели на тамошната стратегија за учење
„Само ако сме во нешто различни од другите, можеме да успееме“.
Овој начин на размислување ги доведе Естонците на врвот на листата во Европа според резултатите од ПИСА-меѓународнотo тестирање за постигнувањата на ученици на 15-годишна возраст по јазична писменост, математика и природни науки, во 2018 година
Малите Естонци се и петти во светот.
Со овие резултати тие ги надминаа и своите соседи, Финците.
Основното образование на Естонија е едно од најдобрите во светот, покажаа резултатите од ПИСА-тестирањето во 2015 година.
И самите вработени во министерството за образование признаваат дека понекогаш се изненадени од ваквите показатели. Но, порачуваат: „Образованието е нашата религија“.
– Причините за ваквите добри резултати во образованието на Естонија лежат во правичноста и компактното образование, професионалниот кадар, ефективниот менаџмент во процесот на учење, поддршката за послабите ученици и посветувањето внимание кон специфични образовни потреби. Она најважното – образованието се цени во општеството – велат од министерството за образование на Естонија.
Долгорочната стратегија за учење до 2020 година има 5 главни цели:
– изменет пристап кон учење (учењето се заснова на индивидуалноста, интересите на поединецот, искуството и потенцијалот на секој ученик);
– компетентни и мотивирани наставници и директори на училиштата;
– подобра интеграција на образованието со потребите на пазарот на трудот;
– дигиталната револуција што е процес на доживотно учење;
– еднаква можност и зголемено учество во учењето што мора да трае цел живот.
