Една мајка покажа како го учи синот на самостојност за да не стане дел од анксиозната генерација
Видеото на мајка која го поттикнува својот петгодишен син на самостојност стана вирално и предизвика дискусија на социјалните мрежи. Тиа Бол од Џорџија на нејзиниот тик-ток профил објави видео во кое на нејзиниот син Бер му дава 10 долари за да сам нарача и да плати сладолед. Нејзината цел? Да го научи на одговорност и да му ја зголеми самодовербата.
Детето ја изврши задачата без проблем: само нарача сладолед со вкус на јагода со гумени бонбони и го плати со пари заработени од продажба на стара играчка. Неговата мајка објаснува дека ваквите мали задачи ги користи за да го поттикне синот да размислува самостојно и да развива вештини кои, според нејзиното мислење, кај денешните деца се сè поретки.
– Постојат забележливи разлики помеѓу децата што растат во исклучително дигитален свет и оние што пораснале пред технологијата силно да земе замав – рече 29-годишната мајка.
@tiawiththefam Shout out to @conniesicecream for having the best customer service & ice cream! Bear sold one of his toys, so he used some of his money to buy ice cream with a topping (cause we normally skip that). We were back in our old college town, so we knew that ice cream shop was a safe/welcoming place for Bear to order by himself while we waited outside. He did so well; I think Chick Fil A will be his next independent task! #momtok #parent #boymom #momlife #parenthood ♬ original sound – Tia Ball
Таа и нејзиниот сопруг Мајлс се дел од сè поголем број родители кои веруваат дека современиот свет, иако практичен, им ја одзема на децата можноста за развој на основни животни вештини.
Задачата со сладоледот не беше првиот чекор во учењето на самостојност кај Бер. Претходно, родителите го поттикнувале на едноставни предизвици, како барање помош од библиотекар.
– Сметавме дека локалната слаткарница е безбедно место каде што може да ја вежба самостојноста – вели неговата мајка.
Родителите на момчето планираат посета на ресторан за брза храна каде што Бер ќе нарача сам оброк. Преку ваквите задачи тој учи како да комуницира пристојно, да донесува одлуки и да управува со пари.
– Станува поуверен во себе и поспособен во барање помош. Најважно е да учи како да се поврзува со луѓето лице в лице – вели таа.
