Нашиот мозок природно им дава поголема тежина на негативните искуства отколку на позитивните, што е еволутивен механизам кој некогаш ни помагал да преживееме. Но, во денешните врски овој модел на размислување – познат како негативност, може да им наштети на интимноста, довербата и поврзаноста. Негативните мисли можат да предизвикаат погрешни толкувања и да создадат емоционална дистанца меѓу партнерите, тврди психологот Марк Траверс. Тој објаснува како овој начин на размислување може да уништи добра врска или брак.

Фокусирање на проблемите и повторување на негативните моменти

-Умот полесно ги задржува лошите искуства отколку добрите, поради што еден непријатен момент често засенува цела низа позитивни. Партнерот може да биде внимателен и грижлив поголемиот дел од времето, но ако заборави важен состанок или изгледа расеан во разговорот, таа ситуација може да засени сè друго – објаснува Траверс.

Честопати се задржуваме на грешките во нашите умови, минимизирајќи ги сите убави гестови.

-Важно е свесно да се забележат мали знаци на внимание, да се препознаат обидите за помирување и да се прашате: „Дали гледам на оваа ситуација премногу еднострано?“ – советува психологот.

Претпоставување на најлошото во врска со намерите на вашиот партнер

Кога сме совладани од негативен начин на размислување, лесно е погрешно да го протолкуваме однесувањето на нашиот партнер. Ако вашиот партнер е повлечен или молчи, вашиот ум може веднаш да претпостави дека е лут или незаинтересиран наместо да ја разгледа можноста дека е уморен или под стрес.

-Ваквите претпоставки можат да создадат тензија и да ве оддалечат еден од друг. Следниот пат кога ќе почувствувате дека сте преплавени од сомнежи, застанете и прашајте се дали постои друго, понеутрално објаснување. Отворената комуникација и тестирањето на претпоставките можат да спречат непотребен конфликт – истакнува Траверс.

Барање потврда за негативните верувања за партнерот

Кога фокусот на негативното ќе се вкорени, тоа може да се претвори во навика во која постојано бараме докази што ја потврдуваат негативната слика за нашиот партнер, а истовремено игнорираме сè позитивно. Ако веруваме дека нашиот партнер не нè цени, лесно е да забележиме кога не вели „благодарам“ и ги игнорира моментите кога покажува грижа и внимание.

-Таквиот образец може целосно да го наруши искуството од врската. Корисен трик е да се запрашате: „Кои докази би покажале поинаку – дека партнерот е грижлив и внимателен?“ Вака учиме да ги гледаме врските пореално и со поголема благодарност – заклучува психологот.

Извор