Некои луѓе можеби мислат дека малите деца се премногу кревки и неспособни да извршуваат работи низ дома, но некои докази го покажуваат спротивното. Неколку истражувачи откриле дека тие не само што сакаат да помогнат околу обврските низ дома туку можат и успешно да ги извршуваат. Уште подобро е тоа што тие ќе продолжат да го прават тоа во текот на тинејџерските години.

Во западниот свет некои луѓе ги отфрлаат понудите на своите деца за помош. Некои претпоставуваат дека нивните деца нема да можат да ја завршат задачата, па сами ги прават. Но, постојат луѓе што ги оставаат своите деца да ги извршуваат домашните обврски.

Бидејќи ја гледаме работата, особено активностите низ дома, како нешто во кое луѓето не уживаат, тоа е пораката што им ја испраќаме на нашите деца. Но, не сме во право. Истражувањата откриваат дека децата уште на 12 месеци имаат природна желба да помагаат и ако им се дозволи, тие ќе продолжат да го прават тоа и кога ќе пораснат. Ако не им се дозволи, може да станат тинејџери или возрасни кои не чувствуваат потреба да си ја вршат својата улога и да помагаат низ дома.

Д-р Хариет Рајнголд водел експериментот во кој набљудувал 18, 24 и 30-месечни деца во интеракција со нивниот татко или мајка. Родителот редовно ги извршувал домашните обврски како бришење прашина, метење или собирање предмети од подот и организирање, без да побара помош од детето. Возрасните биле специјално насочени да ја извршуваат секоја задача со бавно темпо и да му дозволат на нивното дете да помогне ако сака. На крај, сите 80 деца се понудиле за помош и успешно ги направиле половина од задачите.

Ова не е првпат децата да докажат дека сакаат да волонтираат за работа. Наодите на Рајнголд се глобален феномен. Земете ги на пример мајките од домородните заедници. Родителите во овие заедници ги гледаат своите деца како партнери за работа, а не помошници. Уште од млада возраст тие ги поттикнуваат и охрабруваат напорите на децата да помагаат, иако им е потребно повеќе време.

Тие знаат дека децата што извршуваат некакви задачи не само што се чувствуваат задоволни по завршената работа туку и продолжуваат да помагаат и кога ќе пораснат. Кога едно истражување споредило колку често децата на 8-годишна возраст преземаат иницијатива за обврски низ дома, открило дека децата во западниот свет ретко се нудат за помош, додека 74 отсто од децата во домородните заедници тоа го прават редовно.

Немојте да мислите дека оваа желба да се помогне е водена од очекувањето награда, на пример, благо. Истражувањата докажале дека желбата да се помогне нема надворешна мотивација, туку внатрешна. Тоа е начин детето да ја зајакне врската со вас и да се чувствува корисно. Всушност, ако помошта се награди, децата обично ќе нудат помош помалку од оние што добиваат искрена насмевка и „благодарам“ на крајот од нивната помош.

Ова било тестирано во експеримент каде што група деца биле наградени затоа што му помогнале на научник, додека втората група не добила награда. Првата група продолжила да му помага на научникот само во 53 отсто од случаите, додека децата на кои не им била дадена награда понудиле помош во 89 отсто од времето.

Затоа, следниот пат кога вашето дете ќе ви понуди помош, обидете се да ги запомните овие наоди и да ја прифатите неговата помош.

Извор