Доли Партон целиот живот следи еден совет од нејзината мајка
Мајчините изреки и лекции честопати нè следат во текот на целиот живот. И со добра причина, бидејќи ни влегле под кожа, но исто така речиси секогаш се приспособени на нас и на нашите животи. Така е, бидејќи малкумина нè познаваат подобро од нашите мајки. Често им ја пренесуваме оваа мудрост на нашите деца, како што се очекува, и тоа со добра причина.
Доли Партон има своја изрека, која верно ја следела целиот свој живот, а денес ја споделува како совет. Таа веќе ја всадила истата лекција кај своите деца.
Лекцијата е: „Биди верна на себе“. Сепак, ова е во поедноставена форма, додека реченицата што Партон ја носи како лекција е „Биди верен сам на себе“ и е стих од Шекспировиот „Хамлет“.
-Има многу значења во таа реченица. Бидејќи отсекогаш сум се обидувала да останам верна на себе. И секогаш, кога луѓето ме прашуваат за совет, тоа е она што им го кажувам – рекла Доли.
Пејачката вели дека има слоган кој обожавателите го нарекуваат „цитатот од Доли“, кој одразува слична инспиративна порака.
-Откриј кој си и прави го тоа намерно. И прави го со цел. Мора да откриеш кој си затоа што толку многу луѓе се обидуваат да имитираат или да копираат некој друг – вели Доли.
Партон разговараше со „Тудеј“ за нејзината нова линија замрзнати оброци, која е базирана на рецепти што ги јадела додека растела.
-Значи, многу луѓе мислат дека мора да ги прават работите на одреден начин, но навистина мора да ги правиш работите на свој начин, по свои правила, со свој карактер, на свој начин на размислување, на свој начин на верување. Затоа мислам дека најважно е да откриеш што навистина сакаш, кои се твоите вредности и принципи, а не да се обидуваш да бидеш како некој друг – рекла Партон.
За време на интервјуто, Партон признала дека животот е полн со жртви, но таа советува:
-Никогаш не жртвувај ја твојата личност, кој си, твоите принципи, твојот морал и твоите вредности само за да се обидеш да напредуваш во бизнисот. Не вреди.
