Патувањето со деца носи моменти на радост и создава доживотни спомени, но подготовката за истото патување може да биде стресна бидејќи родителите не се сигурни што да понесат со себе. Сепак, како што велат двајца педијатри, најдобро е да бидете подготвени за сè.

-Очекувајте го неочекуваното. Секогаш спакувајте дополнителни работи. Во рачниот багаж земете ги најважните работи, во случај куферот да се изгуби – советува педијатарот д-р Џејми Фридман.

Педијатарот Фридман и група други педијатри откриле кои работи секогаш ги пакуваат кога патуваат со децата и ве советуваат да почнете да го правите истото.

Дополнителни лекови

-Лековите се важни затоа што никогаш не знаете кога детето ќе качи температура, ќе се повреди или ќе има болка. Ова важи за малите деца. Секогаш носам соодветни форми на ацетаминофен и на ибупрофен, во случај да не можат да се најдат во течна или џвакачка форма – објаснува д-р Фридман.

Исто така, педијатрите препорачуваат секогаш да носите детски рецепти или специфични здравствени материјали во доволни количини, а секогаш ставени во рачен багаж.

Предмети и играчки за утеха

-Секогаш внимавам моите деца да спакуваат некои од нивните омилени предмети за утеха и други работи за да ги забавуваат, како што се полнети играчки, слушалки, грицки и нешто за цртање или читање. Заштедува пари и спречува проблеми. Утешителните предмети им даваат на децата чувство на сигурност, блискост и смиреност, без разлика каде се наоѓаат. Истото важи и за други познати предмети, како што е нивното шише за вода или омилените закуски – вели педијатарот Кендис Џонс.

-Патувањето ги нарушува детските рутини. Тие можат да се уморат, да гладуваат или да се досадуваат. Клучот за успешно патување е да им биде удобно. Дозволете им да имаат познати предмети за да го намалат стравот и анксиозноста. Обично носам и познати книги за читање пред спиење – советува д-р Фридман.

Прва помош

Покрај дополнителните лекови, лекарите советуваат да имате комплет за прва помош што содржи фластери, марамчиња со алкохол, лекови за сезонски алергии и комплет за помош при исеченици, рани и слично.

Педијатарот д-р Кели Фрадин открива дека сака да носи и помрсни мелеми, како вазелин.

-Носам вазелин, кој може да помогне со испукани усни, исип од пелени и гребеници. Грицкалка за нокти, фластери и четки за заби се исто така клучни – објаснува таа.

Сепак, д-р Фридман советува да ги приспособува резервите за прва помош во зависност од тоа каде патувате, но најчесто да носите антибиотски кремови, фластери и лекови против повраќање.

Опции за забава со и без екран

-Новите играчки и активности за помалите деца се важни бидејќи ќе го задржат нивното внимание подолго за време на патување со автомобил или авион – вели д-р Фридман.

Покрај познатите предмети и играчки за утеха, корисно е да се донесат и неколку нови извори на забава. Комбинирањето опции со и без екран е исто така добра идеја.

Педијатарот д-р Ханза Бхаргава истакнува дека дури и таа секогаш има паметен уред, како што е мобилен телефон или таблет.

-Секогаш барам од децата да понесат книга. Се трудам да ги натерам прво малку да читаат, а потоа да користат технологија. Малите загатки, крстозборите или боенките можат да бидат корисни кога на децата им е досадно – советува таа.

Закуски

Познато е дека децата често стануваат гладни, а како резултат на тоа стануваат раздразливи, поради што педијатрите советуваат дека секогаш е корисно да имате при рака некои грицки.

-За деца на возраст од 4 до 10 години, без разлика дали станува збор за патување со автомобил или со авион, секогаш носам грицки. Овесни снегулки, исечени јаболка, здрав чипс и мешавини од гранола се секогаш во рачниот багаж, бидејќи никогаш не се знае дали ќе има одложување. Шишињата со вода се задолжителни за патување со автомобил – тврди д-р Баргава.

Дополнителна облека

Секогаш е препорачливо да носите дополнителна облека за време на патувањето, без разлика дали тоа трае два или десет часа. Детето може да повраќа или ако застанете некаде по пат со автомобилот, детето може да се извалка за време на играта. Препорачливо е да чувате облека и дополнителни работи во рачниот багаж или, доколку патувате со автомобил, доволно блиску за да не морате да застанете и да го продолжите патувањето.

Заштита од бактерии и временски услови

-Родителите треба да земат средства за заштита од инсекти, кремови за сончање, капи и други предмети соодветни за нивното патување – посочува д-р Фридман.

Освен што ќе го заштитите вашето семејство од временските услови како што се сонцето и инсектите, обидете се да ги заштитите сите од ширење на бактерии, велат експертите. Важно е да се складираат и марамчиња за да можете да ги дезинфицирате рацете на децата.

Се информираат за достапната здравствена заштита на дестинацијата

Пред да патуваат, педијатрите се обидуваат да дознаат повеќе за здравствената заштита што е достапна, за да знаат што да прават во случај на несреќи.

-Ако областа што ја посетувате има детска болница, тоа би била моја прва препорака за тоа каде треба да го однесете вашето дете ако неочекувано се разболи и има потреба од медицинска помош – советува педијатарот д-р Жан Мурјани.

Меѓутоа, ако нема детска болница, најдобро е да побарате помош од итна медицинска помош.

Предмети што ќе му помогнат на детето полесно и побрзо да заспие

-Предметите што му помагаат на вашето дете да спие се клучни. Омилените кадифени мечиња, вреќи за спиење, машините со бела бучава или што било друго што му помага да се одмори, може да го направи вашиот одмор многу попријатен – тврдат експертите.

Извор