Подготвувањето на децата да се вратат на училиште најмногу подразбира купување училиштен прибор и книги, кратење на косата и враќање на рутината. Сепак, исто така е важно да му дадете на вашето дете некои суштински совети кои ќе му помогнат да управува со стресот и анксиозноста по враќањето на училиште.

Психологот Хауард И. Лиу е татко на четири деца на училишна возраст. Тој вели дека има пет едноставни совети за менталното здравје на децата пред да се вратат на училиште. Тој ги охрабрува сите родители да ги научат и да ги применат на своите деца.

Поминувајте редовно квалитетно заедничко време со децата

Лиу вели дека поминувањето време „еден на еден“ со вашето дете, пред или по училиште, е одличен начин да се поттикнат важни разговори за неговата ментална и емоционална благосостојба.

„Јас сум утрински тип на личност, па наутро ги возам децата на училиште. Мислам дека тоа е одлично време за разговор со детето“, изјавил психологот.

Студија од 2023 година објавена во списанието „Frontiers in Psychology“ покажала дека вниманието на родителите е важно за благосостојбата на децата.

Разговарајте на тема малтретирање

Секој петти средношколец пријавува дека бил малтретиран на училиште, а секој шести се жали дека бил малтретиран на интернет.

„Интересна работа што ја открив како детски психијатар е дека децата не зборуваат за злоупотреба, освен ако не ги прашате директно дали ако не доживеале некаков облик. Затоа мора да разговарате со нив за тоа“, вели тој. Д-р Лиу предлага проактивен пристап за дискусија за вербално, физичко и онлајн малтретирање.

Вратете се на вашата рутина навреме

Иако е примамливо да ги оставите децата да останат будни до доцна во текот на летото, важно е навреме да ги вратите во вообичаената рутина. Д-р Лиу советува дека најмалку три недели пред почетокот на училиштето детето треба да почне да се навикнува на рутината за спиење, што ќе ја следи кога ќе почне новата учебна година.

Според студијата од 2022 година објавена во „The Lancet“, децата што не спијат доволно имаат повеќе проблеми со менталното здравје и однесувањето, за разлика од нивните врсници што спијат доволно. Откриено е дека недостигот на сон е поврзан и со стрес, депресија, анксиозност и агресивно однесување.

Одвојте време за семеен оброк секој ден

Ен Фишел, семеен терапевт, изјавила дека само 30% од американските семејства редовно вечераат заедно, и покрај студиите кои покажуваат дека редовните семејни оброци се поврзани со пониски стапки на депресија и анксиозност.

Вежбајте

И конечно, д-р Лиу забележува дека вежбањето е многу важно. Тој вели дека вежбањето е навистина важна алатка за управување со анксиозноста и депресијата, особено ако е блага до умерена.

Извор