Познатата марка на произведувачи на детски колички „Baby Trend“ ја повлекува од продажба количката што се продава на веб-страниците на „Таргет“ и „Амазон“ поради потенцијална опасност за децата.

Според известувањето од американската Комисија за безбедност и заштита на потрошувачки производи, проблемот е во тоа што под притисок, држачите може да се отпуштат, поради што децата можат да паднат.

Купувачите што купиле кои било од четирите црни колички „Танго“ би требало да престанат да ги користат и да им се обратат на произведувачите за да добијат поврат на пари. Според податоците со кои располага Комисијата, продадени се околу 2.000 такви колички, главно онлајн, помеѓу октомври и ноември 2019 година по цена од 100 и 120 долари.

Извор