Швајцарија често изгледа толку далечна и недостижна по стандард, но кога станува збор за воспитувањето деца, во многу аспекти тоа подразбира едноставен здрав разум и практични правила, сосема различни од оние на Балканот.

Доењето како норма

Во Швајцарија квалитетот на медицинската нега за мајките и децата е одличен, а тоа го потврдува и швајцарската студија за хранење на доенчиња од 2015 година, каде што 95% од мајките одлучиле да дојат. За мајките од Швајцарија ова не е само прашање на здравје, туку и желба да создадат силна врска со своето бебе. Во Швајцарија, тоа е повеќе од исхрана, тоа е цела филозофија.

Отворен пристап до градинките

Швајцарците, по правило, не брзаат да ги пратат своите деца во градинки. Мајките се трудат што побрзо да одат на работа и да се вратат на вообичаеното темпо на живот, без да го трошат целото време на одгледување дете, како што прават овдешните жени на породилно отсуство.

Наместо тоа, таа или вработува бебиситерка или остава за бебето да се грижат бабите и дедовците. И сето тоа не е само заради кариера, туку и заштеда, бидејќи градинките таму се скапи. Имате можност да ги оставите децата таму само неколку пати неделно.

Половна облека и играчки

Да, швајцарските деца можат да соберат тони играчки, но тоа не значи дека родителите не знаат како да заштедат пари. Швајцарските мајки користат половна облека и играчки. Локалните родителски клубови одржуваат редовни продажби, каде што членовите менуваат и продаваат искористена детска облека и играчки. Не само што е исплатливо, туку е и одличен начин да се развие чувство за заедница и да се прошират врските. Затоа, ако наидете на швајцарска мајка со торба во која има „нова стара“ детска облека, немојте да се изненадите.

Слобода на движење

Навистина е интересно – швајцарските деца учат да се движат самостојно уште од мали нозе. Многу од нив одат на училиште или користат јавен превоз без да чекаат возрасен придружник. Да, нема страв од киднапирање или паника кај родителите.

Не случајно Швајцарија важи за една од најбезбедните земји во светот, што се рефлектира во таквиот смирен однос кон слободното движење на децата. Никој во оваа земја нема да биде изненаден што првачињата одат далеку од училиште, без ниту еден возрасен во близина. Тоа секако ќе ги научи на одговорност и ориентација во просторот.

Учење преку игра

Кога станува збор за образованието, и швајцарските родители имаат свои ставови, кои се сосема различни од овдешните. Едукацијата се одвива преку игра, а фокусот е на најосновното знаење.

Родителите не бараат зголемување на коефициентот на интелигенција на своето дете за време на предучилишниот период и не сакаат да ги испраќаат своите деца на голем број обуки, или на комплексни часови. Наместо тоа, тие претпочитаат нивните деца да го истражуваат светот преку игри и забавни активности без стрес.

Традиционални методи на лекување

Швајцарија е една од најбогатите земји во Европа со високо развиена медицина. Кој би помислил дека повеќето швајцарски родители ја претпочитаат традиционалната медицина пред лекарите, кога станува збор за лекување на нивните деца?

Да, многу швајцарски родители користат хомеопатија и други алтернативни третмани. За нив е важно да ги користат даровите на природата во лекувањето и често веруваат дека постигнувањето здравје не е само прашање на таблети, туку и на целиот начин на живот. Сигурно секое швајцарско семејство дома има комплет за прва помош со еден куп билки.

Образованието вреди злато

Прашањето за идното образование и кариера на детето ги загрижува родителите во Швајцарија речиси дури и за време на понижите одделенија на училиште. Веќе на 10-12 години тие даваат сѐ од себе за да им помогнат на децата да одлучат дали сакаат да одат на факултет, или да изберат попрактична професија. Ова е сосема невообичаено во други земји, каде што изборот на универзитетски пат е повеќе поради притисокот од врсниците или родителите. Сè овде се заснова на слобода на избор и различни можности.

Внимание на секој чекор

Швајцарските родители не се преправаат дека нивните деца немаат тешкотии. Секое отстапување во учењето, говорот или моторичките вештини не останува незабележано. Родителите обрнуваат внимание на секој детал и, доколку е потребно, веднаш бараат помош од специјалисти. Овој пристап на грижа обезбедува секое дете да ги добие поддршката и вниманието што му се потребни.

Автор: Јасна Дреновац

Извор