Кога размислувате да станете мајка, веројатно не ви паѓа на ум прашањето: „Во кое време од годината ќе се роди моето бебе?“ Во ред, можеби некој би планирал да избегне последното тримесечје да се одвива среде летните горештини, но се сомневаме дека тоа е одлучувачки фактор кога се донесува одлука за раѓање бебе. Се чини дека науката вели оти треба да размислуваме за тоа кога ќе се роди нашето бебе – барем ако се грижиме за неговата личност.

Студија спроведена на 400 луѓе покажала дека годишното време во кое сме родени може да има значително влијание врз нашиот карактер како возрасни. На пример, бебињата родени во лето се посклони кон промени во расположението, додека оние родени во зима се помалку раздразливи додека растат.

И најинтересниот факт – мајките што раѓаат деца во пролет имаат посреќни деца!

Според истражувачите, бебињата родени во пролетните месеци имаат „исклучително позитивен“ поглед на животот, секогаш се весели и оптимисти. Ова, во извесна смисла, ги прави спротивни од бебињата родени во есен, кои се посклони кон депресија. Причината за тоа лежи во хормоните и хемикалиите во мозокот, кои се обликуваат во зависност од сезоната на раѓање, а подоцна влијаат врз нашата личност.

Се разбира, ова не важи за секој човек роден во одредена сезона. Еве еден пример: познатата поетеса Силвија Плат е родена во есен и цел живот се борела со депресија, додека Кејт Мидлтон е родена во зима и изгледа како олицетворение на радоста.

Би било прекрасно кога би можеле да ги планираме личностите на нашите деца само врз основа на сезоната на зачнување, нели?

Замислете свет во кој би можеле да ја спречиме депресијата едноставно со правилно одредување на времето за бременост. Но, реалноста е дека ова е само една студија со мал примерок – 400 луѓе во споредба со милиони и милиони бебиња што се раѓаат секоја година.

Но, ако основањето семејство е на вашата листа со приоритети, можеби не е лоша идеја да размислите за ова истражување. Затоа што, којзнае, можеби годишното време навистина влијае врз личноста на детето.

Извор