Растењето со малку пари ја обликува личноста на начини што е тешко да им се објаснат на оние што никогаш не го искусиле тоа. Луѓето што пораснале во семејства со финансиски проблеми честопати се сведоци на постојана грижа, потреба да се заштеди секој денар и креативни начини на кои нивното семејство врзува крај со крај.

Но, тие исто така всадуваат голем број квалитети кои се многу ценети подоцна во животот. Ако сте пораснале со финансиски проблеми, можеби не сте го сфатиле тоа, но искуството веројатно ви оставило 9 особини што другите ги развиваат во текот на целиот живот:

Досетливост/снаодливост

Растењето со ограничен буџет честопати значи наоѓање креативни начини да се врзе крај со крај. Ова може да доведе до извонредна досетливост. Оваа вештина не е само за растегнување на вашиот буџет, туку за максимирање на ресурсите во секој дел од вашиот живот. Без разлика дали станува збор за наоѓање начин да се поправи нешто што е расипано наместо да се замени, или за откривање како да се направи оброк од навидум случајни предмети во кујната, досетливоста станува втора природа.

Ценење на напорната работа

Кога луѓето растат во семејства каде што нема многу пари, тоа често значи дека ако сакаат нешто, мора сами да го заработат. На крајот на краиштата, не станува збор само за заработка. Станува збор за разбирање дека работите не се случуваат тукутака. Потребни се труд, време и посветеност за да се добие она што го сакате. Таквата лекција од детството ја прави личноста поцелосна и поупорна.

Знаат како да управуваат со парите

Кога постојано ви недостигаат пари, учите да управувате со нив мудро. Секој цент е важен, а буџетирањето станува клучна вештина. Луѓето што пораснале во сиромаштија честопати имаат подобро разбирање на финансиските основи од нивните побогати врсници бидејќи нивните родители создале буџет за нив. Ова им овозможило да научат за вредноста на парите и како да управуваат со нив за да ги покријат сите свои основни потреби.

Емпатија

Истражувањата покажуваат дека доживувањето тешкотии може да доведе до поголемо разбирање и емпатија за луѓето во тешки ситуации. Емпатијата е моќ што не треба да се потценува. Растењето со ограничени ресурси обично ги прави луѓето посвесни за тешкотиите со кои другите може да се соочат. Тие често имаат разбирање, подготвени се да помогнат и склони се да покажат љубезност кон оние на кои им е потребна.

Отпорност

Животот е полн со подеми и падови. Растењето во сиромаштија честопати значи дека ќе имате повеќе предизвици. Но, исто така, дава можност да научите како да ги надминете овие предизвици и да развиете отпорност. Тоа е повеќе од способност повторно да станете кога ќе паднете. Тоа е исто така и способност да учите од вашите неуспеси, да се приспособите на новите околности и да се движите напред со чувство на цел и решителност.

Благодарност за едноставните работи

Кога парите се ограничени, поубавите работи во животот обично се недостапни. Но, тоа не значи дека воопшто нема радост или среќа. Всушност, растењето со малку пари често води до длабоко ценење на едноставните работи во животот.

Одлучност во услови на финансиски тешкотии

Растењето во тешки финансиски околности не е лесно. Но, честопати кај луѓето разгорува оган, силна желба за успех и промена на тие околности. Оваа решителност ги тера луѓето да се истакнат во студиите, да работат напорно во кариерата и да се стремат кон успех во сите аспекти од животот. Тоа е движечката сила зад многу достигнувања.

Приспособливост

Кога растете во семејство со ограничен буџет, брзо учите дека животот не секогаш оди според планот. Финансиските ограничувања честопати бараат брзо размислување и способност за приспособување на променливите ситуации. Тоа станува сила што им служи добро на луѓето во зрелоста. Без разлика дали станува збор за приспособување на нова работа, менување на личните околности или навигација во променлива глобална средина, приспособливоста е вредна вештина.

Скромност

Растењето со ограничени средства честопати всадува чувство на скромност. Не станува збор за чувство на помала важност од другите, туку за разбирање дека сите сме еднакви, без оглед на нашата финансиска состојба.

Извор