Се знае дека родителите треба да ги извршуваат домашните работи во домот за сѐ да биде во некаков ред, но секогаш се води дебата за тоа дали треба да им се доделуваат домашни работи на децата.

Некои родители сакаат децата да уживаат во своето детство и „да ги остават децата да бидат деца“, да уживаат во времето додека се млади. Други родители имаат тенденција сами да ги извршуваат домашните работи, да ги завршат што е можно побрзо и поефикасно. Иако овие аргументи имаат смисла, сепак некои родители може не ги согледаат придобивките од давањето редовни домашни работи на децата.

Куќните обврски се поврзани со подобри перформанси во училиште

Една неодамнешна студија објавена во „Australian Occupational Therapy“ ја разгледува поврзаноста меѓу редовните задолженија и когнитивното функционирање на детето, главно извршната функција. Новото истражување на Универзитетот „Ла Троб“ покажува дека редовното давање задолженија на децата е поврзано со подобри академски перформанси и вештини за решавање проблеми. Методологијата вклучувала родители и старатели на 207 деца на возраст од 5 до 13 години. Од родителите или старателите било побарано да пополнат прашалник за бројот на секојдневните обврски што нивните деца ги завршиле и извршните функции на нивното дете. Наодите откриле дека интервенциите кои вклучуваат домашни работи како готвење и градинарство може да бидат особено корисни за децата, пишува „Neurosciencenews“.

Извршните функции се развиле од редовното извршување на домашни работи

Студијата, исто така, заклучила дека рутинските задолженија ги подобруваат извршните функции на детето како што се планирање, саморегулација, префрлување помеѓу задачите и следење на упатствата. Извршните функции се работна меморија, способност за следење и манипулирање со привремени информации, инхибиција и способност за инхибирање на автоматските одговори или потиснување ирелевантни детали за фокусирање на задачата. Извршната функција е, исто така, способност да се премести фокусот помеѓу задачите.

Д-р Деана Тепер, главен автор на студијата, истакнала дека родителите можат да ги користат задолженијата соодветни на возраста и способностите за да го забрзаат развојот на извршните функции. Резултатите откриле дека децата што редовно се задолжени да подготвуваат семеен оброк или да ја исчистат градината имаат поголема веројатност да се истакнат во училишната работа или во решавањето проблеми. Тепер вели дека овие вештини често се развиваат во раното детство и продолжуваат да се развиваат до адолесценцијата и зрелата возраст. Во меѓувреме, децата со оштетеност или доцнење во развојот на извршното функционирање се борат со саморегулација, планирање и решавање проблеми како возрасни.

Усовршувањето на извршната функција е поврзано со ангажманот во високото образование и подобро физичко здравје и финансиската состојба кога стануваат возрасни.

Како да се подобрат извршните функции

Според истражувањето, можно е да се подобрат извршните функции преку развивање индивидуализирани активности и рутини за учење. Како заклучок, наодите откриле дека децата вклучени во домашните обврски имаат подобра инхибиција и работна меморија. Повеќето задолженија бараат од поединците да се саморегулираат, да планираат, да се префрлаат помеѓу задачите, да го задржат вниманието и да планираат за да ја развијат извршната функција.

Според „VerywellFamily“, домашните обврски им помагаат на децата да научат за одговорноста и самодовербата. Домашните работи се животни вештини кои ќе ги научат децата за значењето на тимската работа и силната работна етика, а и за да ја надградат нивната самодоверба.

Автор: Мавик Томпсон

Извор