Две од три трудници имаат утринска мачнина во првиот триместар. Утринската мачнина исчезнува некаде по првиот триместар.

Не е лесно да се прифати гадење за време на бременоста. Многу трудници се чувствуваат навистина болни и исцрпени од повраќање. И не е доволно да знаат дека мачнините ќе престанат.

За развојот на детето, важно е мајката да е здрава. И затоа многу трудници се прашуваат дали повраќањето во текот на бременоста влијае врз развојот на детето? Лесно и умерено повраќање не може да му наштети на вашето бебе бидејќи тоа е заштитено во утробата.

Утринските мачнини во бременоста се јавуваат во првиот триместар, а дури и ако идната мајка во овој период не се здебели, повраќањето не е проблем доколку таа внесува доволно течности и може да ја задржи храната.

По 12. недела апетитот се враќа и трудниците се подготвени да уживаат во бременоста. Сепак, за утринските мачнини во текот на бременоста треба да разговарате со вашиот гинеколог или матичен лекар.

Повраќањето во бременоста може да биде опасно ако трае предолго и е поинтензивно од она што се смета за „нормално“ – се поврзува со бебиња кои се родени предвреме или имаат мала тежина при раѓање.

Извор