Каква е практиката во вашиот дом – дали ги соблекувате чевлите кога влегувате во домот или не? Оние што ќе ги соблечат чевлите ќе се потрудат да докажат дека се во право и дека не е добро да се постапува поинаку. Тие што нема да ги соблечат чевлите ќе имаат свои аргументи кои ќе ги бранат најдобро што можат. И секоја страна ќе најде свои аргументи за да ја поддржи својата одлука.

Па, тоа се чевли, ние сепак одиме во нив – на земја, на под, што и да е. А што е со облеката? Дали во вашата куќа е правило секој да се пресоблекува кога ќе дојде дома или останува во облеката во која дошол?

Како и кај чевлите, има две страни – едната што несомнено ја менува облеката и другата што не се грижи многу за тоа, па секој останува во она во што бил дури и надвор од куќата. Дали се работи за хигиена?

Габриела Дауер, лекар, педијатар, а исто така и мајка, ја започнала оваа дискусија на нејзиниот профил на „Тик-ток“.

-Дали ги пресоблекувате вашите деца кога ќе се вратат од училиште? Всушност, мислев дека ова ќе биде една од оние приказни за старци, но видов двајца педијатри кои ги следам поради нивните објави од типот: „Еден начин да ги зачувате вашите деца безбедни е да ја пресоблечат облеката кога ќе се вратат дома“. Никогаш порано не сум го направила тоа.

Дали е тоа лошо за здравјето? Што вели науката – тоа е во фокусот на овој педијатар, а и на родителите. Бидејќи е научник, таа сакала да истражи дали има вистина во тоа дека нејзините сегашни практики ги ставаат нејзините деца во ризик од болест, па ги разгледала достапните истражувања. Била задоволна кога открила дека фактите се одлична вест за многу помалку педантните мајки.

-Шансите се мали до никакви. Исклучително ретко е доволно бактеријата стафилокока или ешерихија коли да преживее на вашата облека доволно долго за да ја допрете таа област, а потоа да ги допрете устата и носот. Ѕвездите би морале совршено да се усогласат за тоа да наштети некому – заклучила таа.

@oncallpeds

♬ original sound – oncallpeds

Педијатарот Дауер понатаму предупредува на исклучоци, на пример, здравствените работници би било добро да се пресоблечат по работа, како и фактот дека тоа би бил добар избор ако во куќата има лице со ослабен имунитет. Но, генерално, во ред е да им дозволите на вашите деца да ја носат истата облека цел ден.

-Искрено, навистина сум шокирана од овој мит што се шири наоколу – потенцирала таа.

Сепак, сигурни сме дека многумина што го практикуваат спротивното воопшто не размислуваат за овој мит, но нивните причини за пресоблекување кога ќе стигнат дома се различни – или малку поинакви.

Извор