Тоа е чувствителна тема и многу родители имаат чувство како да се наоѓаат во замка. Од една страна, не сакаме нашите деца да бидат изложени на опасност и веројатно би сакале да се воздржуваат од консумација на алкохол, додека не пораснат. Но, бидејќи општеството верува дека малолетното пиење е неизбежно, родителите често заклучуваат дека најдоброто сценарио е децата да го испијат првиот пијалак дома – на безбедно.

Пиењето шампањ на семејна забава не е нужно рецепт за катастрофа, но истражувањето е јасно – колку децата се помали кога почнуваат да консумираат алкохол, толку е поголем ризикот да развијат зависност подоцна во животот.

И додека нема докази дека давањето мали количини алкохол во домашни услови може да ги спречи потенцијалните идни проблеми со алкохолот, со сигурност се знае дека колку помалку тинејџерите имаат пристап до алкохолните пијалаци, толку е помала веројатноста да ги консумираат.

Во оваа насока, професионалните организации, како што е Американската академија за педијатрија, ги повикуваат родителите да им помогнат на своите деца со тоа што ќе се погрижат да не консумираат алкохол додека не станат полнолетни.

Извор