Печурките се дел од човечката исхрана илјадници години, и тоа со добра причина. Освен што додаваат уникатен вкус на јадењата, тие се исто така неверојатно хранливи – нискокалорични се и содржат малку масти, но богати се со витамини од групата Б, минерали како селен и имаат антиоксидантни и антиинфламаторни својства. Но, кога сте бремени, природно е да се запрашате: дали можете безбедно да ги јадете?

Добрата вест е дека кулинарските печурки како шампињони, шитаке и портобело се безбедни за јадење, но со една важна забелешка – тие мора да бидат добро зготвени. Суровите или недоволно зготвените печурки можат да носат ризик од бактериски инфекции, што е особено чувствително за време на бременоста.

Бидејќи печурките дејствуваат и како пробиотик, тие можат да го поддржат здравјето на цревата и варењето, што може да биде корисно кога хормоните за бременост го забавуваат метаболизмот и варењето. Покрај тоа, печурките содржат ниацин, рибофлавин и селен – хранливи материи кои играат важна улога во имунитетот, енергијата и заштитата на клетките.

Секако, треба да знаете кои печурки да ги избегнувате. Псилоцибин печурките (познати како халуциногени) во никој случај не се безбедни за време на бременоста бидејќи можат да влијаат врз мозокот и потенцијално да го загрозат здравјето и на мајката и на бебето. Истото важи и за печурките што не се купени од доверлив извор – особено дивите печурки, кои можат да изгледаат слично на печурки што се јадат, но да бидат отровни.

Ако ги сакате печурките, сепак можете да уживате во нив додека сте бремени. Само изберете сигурни извори, добро згответе ги и избегнувајте диви сорти. А ако сè уште сте во дилема, консултирајте се со вашиот гинеколог за дополнителна безбедност и спокојство.

Автор: Карина Шиждрак

Извор