Чудо на животот: Идентични близначки ќе се породат во ист ден
Феј и Алекс работат како учителки, учеле заедно и минатата година се венчале со своите партнери. Следниот логичен чекор бил да го прошират своето семејство. Но, нивните дијагнози изгледале како пречка. Лекарите ѝ кажале на Алекс дека има проблеми со фоликули на јајчниците, додека Феј открила дека страда од синдром на полицистични јајчници.
-Мојата сестра била обесхрабрена бидејќи мислела дека никогаш нема да може да забремени или дека тоа ќе биде долга борба. И јас го мислев истото за себе, дека ако се случи, ќе трае долго време. Двете се обидовме, мислејќи ова може да потрае со години, можеби никогаш нема да се случи, па зошто барем да не се обидуваме – изјавила Феј.
Се случило чудо – и тоа двојно. Алекс била првата што дознала и ја изненадила сестра си со кутија со позитивен тест и ултразвучна слика. Феј била пресреќна – но само еден ден подоцна и нејзиниот тест покажал две линии.
-Кога Алекс ми кажа дека е бремена, не можев да верувам. Следниот ден направив тест и беше позитивен. „Помислив: „Ова е лудо!“ – се присетила Феј.
Како одговор и таа подготвила изненадување за својата сестра – кутија подароци за бебиња и боди со натпис „Братучед бр. 1“. Тоа било, вели таа, посебен момент што никогаш нема да го заборави.
Судбината ги споила повторно
Првично, нивните термини биле со разлика од неколку дена – Алекс на 7 ноември, а Феј на 13 ноември. Но, во третото тримесечје, двете развиле гестациски дијабетес, па нивните лекари препорачале рана индукција.
@wearethepregnanttwins When you and your identical twin have been pregnant for way too long… and you’re due the SAME day 😅👯♀️💖 #identicaltwins #pregnanttwins #SameDueDate #Twinmums #pregnancy ♬ original sound – Pregnant Twins
Интересно е што нивните бебиња всушност ќе бидат полубраќа и сестри, поради генетиката, што ја прави нивната приказна уште поспецијална.
Сестрите ги споделуваат сите свои заеднички авантури за бременост на „Тик-ток“, каде што освоиле илјадници луѓе за кратко време.
-Се чувствуваме толку благословени. Бременоста и поминувањето низ сето ова заедно е неверојатно. Нашите бебиња исто така ќе бидат многу блиски – заклучила Феј, велејќи дека нивната приказна покажува како навистина се случуваат чуда.
Автор: Горан Ивановиќ
