Дали знаете дека секоја вечер кога се гушкате со вашето дете и тоа ја избира омилената книга (знаете за која зборувам… ја прочитавте 300 пати), вие всушност го подготвувате за академски успех и тестирање?
Можете да бидете заинтригирани или лути, но слушнете ме. Нешто навистина магично се случува што е од витално значење за неговиот иден успех во училиштето. Мислам на разбирање на зборовите.

Децата мора да ги разберат зборовите што ги читаат

Кога разговарате и му читате на вашето дете секоја вечер, го изложувате на богат речник. Како децата учат нови зборови? Преку искуство и значаен контекст. Детската литература го користи јазикот на нови и разиграни начини, а вашето дете е како сунѓер кој впива сè.
Кога децата учат да читаат во училиштата, тие ги учат вештините што им помагаат да ги декодираат и изговараат зборовите. Сепак, зборовите треба да имаат смисла. Тие мора да ги разберат зборовите што ги читаат за да ја разберат приказната.
Но како е тоа поврзано со тестирањето? Имаш неколку години пред себе пред да почнеш да се грижиш за тоа… така?
Иако имате доволно време да им помогнете и да им објаснете различни стратегии за тестирањето, на крајот успехот од тестирањето се потпира на разбирање од читањето. Значи, ако децата имаат богат речник на изразување, тогаш ќе имаат поголема способност да ја разберат содржината на прашањата во тестот.
Еве неколку дополнителни стратегии што ќе ви помогнат рутинската книга што ја читате навечер да биде позабавна.

Поставувајте прашања

Сакам да поставувам прашања. Тие ми даваат увид во тоа како моите деца размислуваат. Кога ѝ читав на мојата ќерка, главниот лик спомена „најдобар другар“.
Ја прашав: „Како е најдобар пријател различно од обичен пријател?“
Размислуваше за тоа и рече: „Тој ми дозволува да бидам шеф“. Тоа не беше одговорот што го очекував, но ми даде шанса да ѝ разјаснам подетално.

Пронајдете им нов речник или објаснете ги зборовите што не се користат често во вашиот дом

Пред некој ден бев во посета на една наставничка што читаше книга во која се споменуваше зборот „бајпас“. Таа запре со читањето и им објасни на децата што значи зборот „бајпас“.
Децата од оваа училница ретко го слушаат тој збор во секојдневните разговори со своите родители. Нејзината способност за препознавање на важноста за објаснување на овој нов збор беше многу важна за да им помогне на децата да ја разберат книгата што им ја читаше.

Прашајте за деталите од илустрациите

Паузирањето во различни моменти и восхитувањето на уметноста во илустрацијата се особено важни кога му ја читате омилената приказна на вашето дете. Досега тоа ја запаметило книгата и ги знае зборовите. Наместо да ја читате книгата монотоно, направете пауза и навистина погледнете ги илустрациите. Поставете му прашања на вашето дете во врска со сликите и охрабрувајте го да користи зборови од речникот што му го читате.
Читањето книги секоја вечер на вашето дете не е само прекрасен начин за развивање на мозокот, туку го развива и срцето. Моите најубави моменти во секојдневниот живот се гушкањето в кревет со моите ќерки и читањето книга што ќе нè насмее.

Автор: Ешли Норис