Важно е да се признае дека ниту еден родител не е совршен, а извинувањето може да биде клучно за градењето подлабоки врски со децата. Понекогаш сфаќаме дека сме направиле грешка или неправедно сме постапиле со нашите деца. Препознавањето на овие ситуации и извинувањето може да има значително влијание врз односот и довербата.
Александра Ајденс, мајка и сопственичката на популарниот инстаграм-профил „Голем животен дневник“ (Big Life Journal), во неодамнешна објава споделила ситуации во кои родителите треба да им се извинат на децата и навела начини како да го направат тоа.
Кога сме викале
„Извинете што викав, требаше да дишам длабоко. Кревањето на гласот не помогна, може ли да се обидеме повторно?“
Кога не сме обрнувале внимание
„Жал ми е што не обрнував внимание на тебе. Можеме ли да планираме некоја активност, еден на еден, за да можам да се фокусирам само на тебе?“
Кога сме имале нереални очекувања
„Жал ми е што те брзав утрово. Разбирам дека ти треба повеќе време да се подготвиш, извини“.
![](https://deca.mk/wp-content/uploads/2024/01/tuzno.jpg)
Кога сме претпоставиле нешто погрешно
„Жал ми е што веднаш претпоставив дека си го турнал брат ти. Знам дека тоа беше случајно“.
Користењето на „но“ или „ако“ не е извинување
„Извини што викав, но ти не слушаше“, не е извинување.
Бонус совет
Децата учат од своите родители, па затоа е важно да им покажете како да прифатат извинување за да можат самите да ја научат оваа вештина. Наместо да повторуваме: „Во ред е“, можеме да кажеме: „Ти благодарам за извинувањето, го ценам тоа“.
912