Четири игри со кои ќе ги натерате децата да си ги мијат забите
Миењето на забите асоцира на досадна обврска и многу малку деца го прават тоа со задоволство.
Минутите што треба да се издвојат за миење заби наутро и навечер се придружени со незадоволство, лутење и преговарање да се одложи миењето. Малите деца не сфаќаат дека миењето заби значи здравје и помал број посети на стоматолог, па затоа треба да ги стимулираме и да се потрудиме да им ја покажеме забавната страна на овој процес.
Еве неколку идеи:
Миење со музика – донесете радио во бањата и пуштете им ја омилената песна на децата. Целата е тие да се забавуваат додека ги мијат забите. Кога ќе го засилите звукот на радиото, децата треба да почнат да ги четкаат забите, а кога ќе го намалите, може да застанат. Менувајте побрзи и побавни песни и ќе видите дека наскоро со нетрпение ќе ги чекаат тие мигови.
Кој има најблескави заби – никогаш не потценувајте ја конкуренцијата меѓу децата. Тие засилено ќе ги четкаат забите за да покажат дека имаат побели и поблескави заби.
Заби-музички инструменти – децата нека си замислат дека нивните заби се музички инструмент. Може да ја играте играта „Група за четка за заби“. Правилата се: децата да одберат да свират на гитара (нагоре-надолу) или на тапани – на задните запчиња.
Натпревар со тајмер – наместете го тајмерот и нека почне натпреварот. Вие сте судијата и треба да одлучите кое дете подобро си ги измило забите.
Четкањето треба да биде потемелно. Ќе видите колку труд ќе вложат за да победат.
