Децата знаат да кажат најсмешни работи, но некои родители сведочат дека понекогаш нивните коментари се прилично навредливи. Сепак, поради нивната искреност и едноставност, тешко е да им замериме.

Анонимна мајка на форумот „Мамснет“ споделила како нејзината ќерка ја навредила со коментар дека „смрди“, а потоа побарала од другите родители да ги споделат најлошите навреди што нивните деца им ги рекле.

И додека некои од коментарите на децата се комични, некои се навистина остри и можат да ги погодат родителите на најчувствителните места.

Многу родители брзо ја споделиле храброста на своите деца, од прашања за нивните „мрсни“ тела до коментари за стареењето на мајките.

Една мајка се потсетила како нејзиното дете ѝ рекло дека ѝ треба ботокс, додека воспитувачка во градинка открила како нејзиното шестгодишно дете инсистирало дека не е поканета на роденден затоа што ќе ѝ ја изеде цела торта, бидејќи била лакома.

Честа тема во одговорите биле навредливите коментари за тежината – вклучувајќи една мајка чии деца ѝ рекле дека има раце „мрсни и меки како перница“. Една друга мајка се потсетила на незаборавната навреда што ја добила кога децата се возбудиле поради нејзиниот труднички стомак и го бакнале.

– Не бев бремена – напишала таа.

Воспитувачка во јасли споделила некои навредливи изјави што ги добила од искрени деца.

– Тригодишно дете директно в очи ми рече: „Дај собери се“. Му одговорив дека се трудам – се присетува таа.

Друга мајка раскажала за неочекуван коментар од нејзиниот седумгодишен син кога првпат почнала да носи очила.

– Ми рече: „Среќа што носот ти е толку голем, па ти ги држи очилата.

– Мојата ќерка, стара околу девет години, влезе во бањата додека се спремав за работа и ми ги стави рацете на лицето и ми рече: „Хмм, не е лошо, ама можеш да ставиш ботокс“.

Се покажало дека изгледот не е единствената причина поради која овие деца ги навредиле своите родители.

– На шест години мојата ќерка ми рече дека моето готвење е „просечно“. Можеби има право, ама од кога шестгодишни деца знаат што значи „просечно“?

– Моја ќерка, која сега има 17 години, ми рече дека изгледам како Стив Тaјлер од „Аеросмит“. Многу години подоцна, сѐ уште не можам да го преболам тоа – напишал еден татко.

Извор