Како повеќенаградуван актер со многу извонредни филмски остварувања, Бредли Купер е многу зафатен човек, но глумата не е неговата единствена работа.

Откако ја доби ќерката Леа, во март 2017 година, Купер е многу одговорен и во извршувањето на татковските должности.

– Водам независна предучилишна установа – се пошегува тој за еден познат магазин.

– Стануваме, па со ќерката имаме часови по пливање во када – додава тој.

Купер понекогаш работи на два филма одеднаш, така што неговиот распоред е многу сложен и ѝ припишува заслуга на својата ќерка што му помогнала да живее во моментот.

– Тоа што имам дете и што имам семејство – што е чудо и нешто за што отсекогаш сум сонувал – ме отвори, претпоставувам, уште повеќе да бидам присутен – вели тој.

Купер еднаш зборуваше за начинот на кој бил воспитан, велејќи дека како дете добивал многу љубов и дека на оваа основа се зближил со Лејди Гага бидејќи и двајцата потекнуваат од семејства со топли односи. Тој истакна дека сака неговата ќерка Леа да го има истото воспитување.

– Тоа е она што сакам да го има мојата ќерка – сакам таа секогаш да се чувствува сакана – вели тој.

Исто така, тој се пофали дека сака да гледа цртани филмови и дека може да си игра со играчки по цел ден, што ја прави неговата улога на татко едноставна.

Извор