Оралното здравје главно подразбира редовна и темелна дентална хигиена, но многу малку се зборува за тоа колку здравјето на забите може да влијае врз општото здравје. Предизвиците како што се инфекциите кои ги зафаќаат носот, грлото и ушите, токму во устата наидуваат на првата одбранбена линија. Устата и носот се „вратите“ за влез на сите микроорганизми, од оние што ги внесуваме во нашето тело преку храната до оние што ги вдишуваме, а тие можат да навлезат дури до увото и респираторниот тракт и да предизвикаат воспаление.

Педијатарот д-р Сања Пек Цапан наведува дека децата од градинка имаат во просек од 6 до 10 инфекции годишно, а некои деца дури и до 12 инфекции. Додека повеќето инфекции поминуваат сами од себе, само со симптоматски третман на назален исцедок, кашлица, болки во грлото и покачена телесна температура, повторувачките инфекции на горниот респираторен тракт доведуваат до значително попроблематични инфекции на средното уво и крајниците. Иако земањето антибиотици е секогаш наједноставно и најбрзо решение, треба да бидете внимателни и да имате на ум дека честото, пребрзо и неиндицирано користење на антибиотиците доведува до отпорност на организмот на патогени, што дополнително доведува до сè покомплицирани бактериски инфекции.

Што е орален микробиом?

Оралниот микробиом вклучува голем број микроорганизми кои природно живеат во устата и грлото на секој човек. Токму рамнотежата помеѓу „добрите“ и „лошите“ микроорганизми е неопходна за добро орално здравје и, следствено, општото здравје. Балансираниот орален микробиом влијае врз здравото варење, силниот имунитет и отпорноста на организмот на многу болести, преку филтрирање на штетните микроорганизми и спречување нивно таложење во усната шуплина, или доведува до создавање силни антитела кои успешно се борат против болестите.

Како недостигот на добри бактерии во устата влијае врз нашето целокупно здравје?

-Во случај на нерамнотежа на оралната флора во усната шуплина, т.н. дисбиозата, штетните микроорганизми се шират и непречено се населуваат на слузокожата и најчесто предизвикуваат инфекција на горниот респираторен тракт (воспаление на грлото, увото, инфекција на синусите) или лош здив – вели педијатарот Сања Пек Цапан.

Како влијаеме врз оралниот микробиом со нашите животни навики?

Здравата орална флора се состои од 800 до 1000 различни видови бактерии, а составот варира во зависност од состојбата на организмот и возраста.

Д-р Пек Цапан нагласува дека нашиот начин на живот во голема мера влијае врз оралниот микробиом: нездравата исхрана, особено храната со висока содржина на шеќер, како што се слатките, сушеното овошје или газираните пијалаци, киселата храна како цитрусно овошје, бел леб, млеко кои предизвикуваат промени во рН-вредноста во усната шуплина, како и и пречестите лекови, особено антибиотиците и лошата орална хигиена, можат да влијаат врз нашата орална флора и да ги намалат разновидноста и бројот на корисни бактерии, така што нашиот орален микробиом повеќе не може целосно да ги исполни своите задачи за имунолошкиот систем.

Она што секако можеме да го направиме за нашето здравје се здравите навики без исклучок:

-Редовно четкање на забите
-Користење забен конец
-Здрава исхрана богата со растителни влакна
-Избегнување алкохол и нездрава и слатка храна
-Избегнување цигари
-Редовни посети на стоматолог
-Надополнување на корисни бактерии кога е потребно.

„Streptococcus salivarius K12“ – најважниот жител на секоја здрава усна шуплина

„Streptococcus salivarius K12“ е бактериски вид кој преовладува во пределот на устата и грлото, а се открива кај доенчиња неколку часа по раѓањето. Токму присуството на овој вид е неопходно за оралното здравје, како и за силен имунитет, бидејќи го спречува населувањето на штетните микроорганизми во устата, а со тоа го штити целиот организам. За жал, како резултат на многубројните нездрави навики, околу 60% од населението ја губи оваа корисна бактерија во текот на својот живот, што предизвикува многу проблеми во устата, носот и грлото.

Стрептококот обично се поврзува со болести, но заедно со патогените соеви на стрептококи (на пр., Streptococcus pneumoniae или Streptococcus pyogenes) кои предизвикуваат синусна инфекција или пневмонија, „Streptococcus salivarius K12“ е корисен и важен за градење здрава орална флора.

-Овој посебен вид ги блокира воспалителните процеси предизвикани од штетните вируси и бактерии, стимулира антиинфламаторни реакции, ја зајакнува мукозната бариера и произведува антибактериски супстанции, што го отежнува врзувањето и продирањето на штетните микроорганизми во клетките – вели педијатарот Сања Пек Цапан.

Клиничките студии покажале дека оралниот внес на „Streptococcus salivarius K12“ за 90 дена значително ја намалува фреквенцијата на инфекции на увото, грлото и носот (инфекции на фаринксот и крајниците за 90%, кај деца дури 95%, акутен отитис медија за 72%, стрептококни инфекции за 85%). Покрај тоа, ризиците од вирусни болки во грлото се намалени за 79%, настинки за 69% и грип за 95%. Употребата на антибиотици е намалена за 97%, употребата на антипиретици за 93%, а хируршкото отстранување на крајниците е успешно избегнато во 72% од случаите.

Извор