Многу експерти за постнатално здравје долго време се залагаат за доењето како подобра опција за хранење на детето во споредба со хранење со шише, за да се подобри односот родител-дете.

Но, новото истражување спроведено од Универзитетот „Линколн“ покажало дека мајките што ја користеле методата за хранење со шише развиле силни врски со своите деца, исто како и мајките што доеле.

Прашалниците биле пополнети од 3.000 мајки, кои биле прашани за знаци на тегоби и анксиозност, како и за индикатори за позитивниот однос помеѓу дете-родител. Не е пронајден показател за посилна поврзаност кај мајките што дојат. Истражувачката Абигејл Дејвис изјавила: „Сегашната литература се заснова на идејата дека доењето го олеснува поврзувањето. Нашата студија е конзистентна со неколку емпириски студии кои не ја покажуваат таа поврзаност.“

Како и да е, тоа влијае врз врзувањето бидејќи доењето е природен начин мајките да ги снабдуваат своите бебиња со сета храна што им е потребна во првите месеци од животот. Доењето може да им помогне на мајките побрзо да закрепнат од породувањето.

Американската академија за педијатрија (ААП) и Светската здравствена организација (СЗО) препорачуваат исклучиво доење во првите шест месеци од животот на детето.

Извор