Архитектонско студио објави шаблони за децата да можат да направат градови од хартија
Меѓу многуте нови иницијативи создадени за децата да се забавуваат за време на изолацијата, овој подвиг е совршен за младите ентузијасти што ја сакаат архитектурата.
Британското студио за архитектура „Фостер + Партнерс“ објави серија архитектонски предизвици за деца, како што се градење хартиен облакодер или создавање град.
Шаблоните за предизвиците беа споделени на официјалната веб-страница на „Фостер + Партнерс“. Компанијата ги охрабрува децата да ги споделат своите креации на социјалните мрежи користејќи го хаштагот #architecturefromhome.
– Во текот на следните неколку недели ќе споделуваме нови активности за деца додека тие се дома и не одат на училиште. Ќе вклучуваме цртање, создавање, играње, размислување, читање, гледање и други активности за да ги забавуваме неколку часа – пишува на веб-страницата на „Фостер + Партнерс“.
Повеќе активности можете да најдете ТУКА.
