„Вашите деца сакаат да имаат најдобар можен однос со вас. Тие се 100 отсто посветени на идејата. Повеќе од кој било што сте го сретнале во животот“, вели клиничкиот психолог и професор на Универзитетот во Торонто, Џордан Петерсон.

Тоа значи дека можете да имате најдобар однос со вашите деца. Подобро отколку што сте имале со кого било.

– Тоа ви го нудат вашите деца. На вас останува да го сфатите. Тоа е добра можност за вас. Така, дури и ако сте паѓале многу пати во животот, сте биле повредени, покрај вас имате деца кои мислат: „Што би сакал да правиме тато?“

Ако сте огорчени, тоа ќе го почувствуваат и тоа многу ќе ги повреди. А вие не го сакате тоа, вели психологот.

Инаку, Џордан Петерсон е автор на бестселерот „12 правила за живот: противотров на хаосот“, кој е продаден во милиони примероци низ Америка, Канада, Австралија, Нов Зеланд и други земји.

Во ова видео тој нè потсетува како нашето лошо расположение и лоша волја ќе ја расипат врската со децата и нè потсетува на тешко подносливата вистина дека оваа врска зависи само од нас, возрасните.

Извор