Повеќето родители сакаат нивните деца да бидат интелигентни и успешни. И додека некои експерти ги советуваат родителите да ги научат своите деца да кодираат, ново истражување укажува на музиката како порта за попаметните деца.

Иако кодирањето овозможува голема предност кога станува збор за технологијата, му недостигаат многу придобивки што ги обезбедува музиката. Аргументот да ги научиме децата да кодираат е тоа што им помага со нивните математички и јазични вештини. Сепак, неодамнешното истражување спроведено од Институтот за технологија во Масачусетс покажува колку моќна може да биде музиката врз развојот на мозокот на детето.

Според авторите на истражувањето, учењето музика за време на детството го прави мозокот поповрзан, што, пак, го прави мозокот невролошки способен за многу работи, а не само за музика.

Она што научниците го открија во нивното истражување е дека музичките мозоци создаваат повеќе структурни и функционални врски во споредба со оние што не учат музика.

И додека музиката е една од формите за создавање на овие врски, други истражувања покажаа дека балетот, голфот и шахот создаваат слични врски.

– Наодите се важни за секаков вид експертиза во сите области каде што може да се подобри преку интензивна, долготрајна обука – објаснува коавторот на истражувањето, Сајмон Лајполд.

Научниците откриваат дека раниот музички тренинг може да им помогне на децата да развијат посилни нервни патишта и да станат попаметни.

Извор