Сите родители сакаат нивните деца да живеат стабилно и среќно, со своја работа, дом и живот исполнет со сигурност. Но, времињата се тешки. Многу возрасни луѓе денес се борат со сметки, кредити, осаменост и притисоци што не се гледаат на прв поглед. Наместо да зборуваат за тоа, тие молчат, надевајќи се дека ќе се снајдат сами.

Ако при посетата на домот на вашето возрасно дете забележите некои од следниве работи, можеби не станува збор за неуредност, туку за замор и внатрешна борба:

Домот е невообичаено неуреден – Нередот често е првиот знак дека личноста нема сила или мотивација. Не значи мрзливост, туку исцрпеност.

Нема свежа храна во фрижидерот – Празен фрижидер, стара храна или само брз оброк може да укажуваат на финансиски проблеми или недостиг на волја за грижа за себе.

Неплатени сметки и натрупана пошта – Ова е класичен знак на преоптовареност кога едноставните задачи стануваат тешки.

Расипани работи кои не се поправаат – Кога нешто е скршено, но останува така со недели, тоа значи дека лицето нема енергија да се справи со секојдневните обврски.

Запоставен личен изглед и хигиена – Нетуширање, неред во облеката или преголема незаинтересираност може да бидат знаци на тага или депресија.

Недостиг на природна светлина – Затворени завеси, спуштени ролетни – понекогаш тоа не е случајно, туку начин да се „исклучи“ од светот.

Дом кој изгледа премногу празно – Кога некој престанува да украсува, да одржува растенија или да повикува гости, тоа може да значи внатрешно повлекување.

Недостиг на рутина – Нередовни оброци, спиење во часови кога не треба да се спие е знак дека животниот ритам е нарушен.

Звуци на постојана вознемиреност – Ако постојано се вклучени телевизор или музика, тоа е начин да се избегнат тишината и мислите.

Домашни миленици без енергија – Дури и домашните миленици можат да „кажат“ дека нешто не е во ред. Ако изгледаат запоставени, тоа е сигнал дека нивниот сопственик нема сили.

Избегнување разговори и посети – Кога детето секогаш вели „сѐ е во ред“, но никогаш не ве поканува, можеби се срами од состојбата или не сака да ве загрижи.

Сето ова не значи дека вашето дете е мрзливо или невнимателно. Најчесто, тоа значи дека е изморено, преплавено од обврски и грижи, и дека нема сили. Наместо критика или совети, обидете се со разбирање и топол збор. Прашајте како е, понудете помош без осуда. Понекогаш, една тивка поддршка вреди повеќе од илјада зборови.

Извор