Ако вашето дете не е заинтересирано за книги и претпочита да чита на таблет или друг уред, можеби ќе треба да го насочите кон традиционалните книги и списанија – барем додека е малечко. Извештајот од 2023 година покажал дека читањето на дигитални уреди не го подобрува разбирањето на прочитаното кај помладите ученици.

Врз основа на она што го знаат од претходните студии, авторите рекле дека ако ученикот чита печатени книги околу 10 часа, неговото разбирање е околу 6 до 8 пати поголемо отколку ако чита исто толку време на дигитални уреди.

Што не е во ред со читањето на дигитални уреди?

Авторите мислат дека ова е затоа што уредите нудат многу други намени. Исто така, интернетот воведе нови видови читање, вклучувајќи пократка содржина, послаб речник и содржина со послаб квалитет.

-Накратко, за читателите во развој, дигиталното слободно читање не се исплати во смисла на читање со разбирање, барем не толку колку традиционалното читање во печатена форма. Нашите наоди се особено изненадувачки кога ќе ги споредиме со она што веќе го знаеме за добро воспоставената позитивна поврзаност помеѓу фреквенцијата на читање печатени изданија и разбирањето на текстот. Очекувавме дека слободното дигитално читање за информативни цели, како што е посета на Википедија или други образовни веб-страници, или читање вести, ќе биде многу попозитивно поврзано со разбирањето. Но, ниту тоа не беше случај. За време на основното и средното училиште, постоеја негативни односи помеѓу читањето и разбирањето во дигитално слободно време, но тоа се подобри кога учениците влегоа во средно училиште и на факултет, кога стана позитивно – вели Лидија Алтамура, докторанд на Универзитетот во Валенсија.

Студијата е прва метаанализа за процена на специфичната поврзаност помеѓу навиките за слободно читање на дигиталните уреди и читањето со разбирање. Авторите погледнале 25 студии објавени помеѓу 2000 и 2022 година. Доказите опфатиле околу 470.000 луѓе. Истражувачите велат дека нивните наоди ја нагласуваат важноста да се натераат помладите ученици да читаат печатени материјали повеќе отколку да читаат содржини на дигитални уреди.

-Врз основа на нашите резултати, не можеме едноставно да претпоставиме дека целото слободно читање ќе биде корисно за читателите во развој. Важен е медиумот што се користи – заклучила Алтамура.

Автор: Карина Шиждрак

Извор