Во трка за што подобри оценки, воннаставни активности и совладување нови вештини, често забораваме на најважната база – човечноста. Како родители, нашата најголема мисија не е да создадеме успешни професионалци, туку среќни и морални личности.

Еве кои вредности се „пасошот“ за подобра иднина на вашето дете:

1. Емпатија

Светот има доволно паметни луѓе, но му недостигаат сочувствителни. Научете ги децата да ги препознаваат туѓите емоции. Кога детето ќе разбере дека неговиот збор или постапка може да повреди или да израдува некого, тоа станува подобра личност.

2. Искреност

Градењето на довербата започнува дома. Децата треба да знаат дека вистината е секогаш подобра опција од лагата, дури и кога е непријатна. Но, внимавајте – за ова треба да им дадете личен пример. Ако вие лажете по телефон дека „не сте дома“, и тие ќе го прават истото.

3. Почит

Почитта не значи страв од авторитет, туку уважување на различностите, постарите, природата и – најважно, себеси. Дете кое ги почитува другите, но се почитува и себеси, потешко ќе подлегне на притисок од врсниците и лоши влијанија.

4. Одговорност

Уште од мали децата треба да имаат свои обврски (собирање играчки, местење кревет). Преку малите задачи тие учат дека нивните постапки имаат последици и дека секој придонесува во заедницата (семејството).

5. Трпение

Живееме во ера на инстант задоволства. Важно е децата да научат дека за вредните работи е потребен труд. Не трчајте веднаш да го решите секој нивен проблем – оставете ги да се помачат малку бидејќи така се гради силен карактер.

6. Благодарност

Научете ги да кажат „благодарам“ не само за подароци, туку и за убав ден, за вкусен ручек или за помош од пријател. Благодарните деца се посреќни бидејќи се фокусираат на она што го имаат, а не на она што им недостига.

7. Споделување

Среќата се множи кога се дели. Без разлика дали е тоа парче чоколадо или помош на соученик кој не разбрал некоја лекција, поттикнувајте го детето да биде сојузник, а не само конкурент на другите.

Извор