Министерството за здравство информира дека денеска Институтот за јавно здравје регистрира 24 излекувани пациенти што се лекуваа во домашни услови. Излекувани пациенти се евидентирани во: Скопје – 4, Дебар – 4, Струмица – 1, Куманово – 1, Штип – 3, Прилеп – 3, Кочани – 5 и Тетово – 3.

Во изминатите 24 часа се потврдени 7 нови случаи на коронавирус. По градови: Куманово- 2, Тетово- 3 и Кочани- 2.

Во ГОБ „8 Септември“ почина пациент од Лабуништа на 70-годишна возраст. Во тешка состојба, пациентот бил хоспитализиран на 8 април и веднаш бил приклучен на респираторна машина.

Вкупната бројка на дијагностицирани пациенти со коронавирус во нашата земја изнесува 1.231, а последната дистрибуција по градови е:

– Скопје – 411
– Куманово – 340
– Дебар – 51
– Штип-34
– Прилеп –117
– Тетово – 60
– Струга – 55
– Велес – 59
– Битола –17
– Охрид –15
– Кавадарци – 4
– Гостивар –13
– Гевгелија – 4
– Струмица – 2
– Крива Паланка-4
– Радовиш – 4
– Крушево – 3
– Кочани – 28
– Пробиштип – 2
– Кичево – 2
– Неготино -2
– Демир Хисар – 1
– Македонски Брод -2
– Пехчево- 1

Во изминатото деноноќие направени се 207 теста. Досега во земјата се направени вкупно 12.340 тестирања за коронавирус.