Лутината и фрустрацијата се универзални човечки емоции, но тоа не значи дека треба да бидете жртва на негативни чувства. Како возрасни лица, имаме обврска кон семејството и кон себеси да не дозволуваме таквите емоции да го земаат најдоброто од нас. Да се соочиме – родителството е тешко!

Кога сакате само да бидете две минути насамо во тоалетот, а слушате мали чекори како ви се приближуваат, тоа навистина фрустрира. Еден од начините на кои родителите ги изразуваат лутината и фрустрацијата е викањето врз децата. Не затоа што сакаат, туку бидејќи некогаш се вознемирени и губат контрола. Студиите покажуваат дека викањето ги прави децата уште поагресивни, физички и вербално. Кога родителот го повишува тонот до момент на врескање, децата се чувствуваат несигурно. Се покажало дека тоа има долгорочно влијание, како на пример појава на анксиозност, ниска самодоверба и зголемена агресија. Родителот кој е смирен му дава сигурност на детето, а тоа се чувствува сакано и прифатено и покрај лошото однесување. Има многу начини на кои може да одговорите кога се соочувате со ситуација од која ви врие крвта. Научете да се справувате со лутината преку овие стратегии:

1. Земете ги предвид негативните последици од изразувањето лутина и бес

Да одолеете на искушението е многу тешко, но пред да избувнете пред своите деца, помислете на последиците и што сè ќе предизвика вашето однесување.

2. Направете пауза

Паузата не е само за децата. И на возрасните им е потребна пауза за да се смират. Дишете длабоко, дајте си неколку минути да се вразумите. Ќе постигнете добри резултати ако донесете соодветни родителски одлуки.

3. Кога е соодветно, дозволете им на членовите на семејството да згрешат

Не е ваша работа да докажувате дека некој греши – дозволете им на луѓето да прават грешки. Ако имате силна желба да им покажете дека не се во право, тогаш вашето его работи. Ваша одговорност како родител, се разбира, е да ги едуцирате децата што е правилно, а што погрешно. На крајот од денот, сепак, не можете да ги контролирате изборите кои тие ќе ги направат и ќе мораат да научат дека делата имаат последици.

4. Одлучете што е поважно: да се биде среќен или да се биде во право

Многу аргументи се резултат на желбата да се биде во право. Ако изберете да бидете среќни наместо да победите во секоја дискусија со вашите деца, повеќе ќе уживате во животот и ќе бидете порелаксирани. Што е поважно за вас?

5. Забележете го вашиот гнев

Наместо веднаш да реагирате, испитајте го вашиот гнев. Како се чувствувате, од каде произлегува фрустрацијата и емоциите? Дали чувството ви е во главата, градите или во стомакот? Дали ви е променето дишењето? Дали ви се тресат рацете? Ако се одвоите од вашиот гнев, може да пронајдете различна перспектива и да ги ослабете негативните емоции.

6. Запрашајте се зошто сте вознемирени

Дали некој физички ве повредил? Дали ве разочарал и ги навредил вашите вредности? Откријте зошто сте фрустрирани и ќе можете да ги преземете потребните чекори за да најдете решение.

7. Фокусирајте се на големата слика

Замислете да знаете дека крајот на светот ќе настапи следниот петок. Дали би се вознемириле ако вашето дете не го закачило својот ранец? Се разбира дека не.

8. Побарајте решенија наместо да се обидувате да се чувствувате подобро

Дејствувањето во бес и лутина е начин да се чувствувате подобро. Наместо да им викате на вашите деца, можете да побарате помирно решение. Резултатот ќе биде многу подобар и повреден за вашето време.

9. Бидете сигурни дека ја разбирате ситуацијата

Зошто да им се лутите на своите деца пред да ги знаете фактите? Уверете се дека не се работи за недоразбирање.

10. Научете да практикувате техники за релаксација

Колку порелаксирани сте на дневна основа како родител, толку помалку ќе станувате лути и бесни. Техниките за релаксација може да бидат од помош. Научете како да се опуштите. Тоа е вештина што се учи.

11. Гледајте на вознемиреноста како на можност за пронаоѓање мир

Секојпат кога се чувствувате вознемирени, гледајте на ситуацијата како на шанса да ги вежбате своите вештини за справување со бесот. Тоа е благослов во сенка. Погрижете се следниот пат подобро да се справите со фрустрациите. Избегнувајте лутината, фрустрацијата и вознемиреноста да го извлекуваат најдоброто од вас. Барајте решенија и мир наместо да им се предадете на внатрешните импулси.

Автор: Моника Фоли

Извор