Најчесто ја слушаме само верзијата на приказната од снаата, но и свекрвите се луѓе од крв и месо и имаат своја перцепција за оваа многу напорна врска. На барање на една блогерка која решила малку подлабоко да ја истражи врската, една свекрва ѝ испратила список со работи кои би сакала да им ги каже на сите снаи, надевајќи се дека ќе помогне да се ублажи врската.

„Иако мојот однос со син ми се промени, запомни дека јас сè уште сум негова мајка“

Сега снаата е жена број еден во животот на нејзиниот син, но мора да внимава на фактот дека до неодамна тоа била неговата мајка. Најважното нешто што една жена може да го направи е да го сака својот сопруг.

„Прифатете ме таква каква што сум“

Не треба да се обидуваме да смениме никого, особено жената која е доволно стара да ни биде мајка. Разбирањето е клучот за добра врска.

„Почитувајте ги мојата возраст и искуство“

Свекрвата би сакала да може да сподели дел од своето искуство со синот и неговата сопруга, но без да ги навреди или да се меша во нивните конечни одлуки.

„Разговарај со мене за тешки работи“

Ако свекрвата ја навреди снаата, можно е таа да не е свесна за тоа. Добрата комуникација е клучот за сè и може да помогне да се решат дури и најдлабоките сомнежи.

„Запомни, ние сме семејство“

Свекрвите ценат кога нивните снаи се отвораат за одредени теми, како и кога споделуваат смешни настани поврзани со нивните внуци. Тие со нетрпение очекуваат покани за семејни настани, сакаат да бидат вклучени во семејните активности и традиции.

„Комуницирај со мене“

Секој сака да го прашуваат за мислење, вклучувајќи ги и свекрвите. Повеќето од нив уживаат да ги споделуваат приказните од детството на нивниот син, а пресреќни се кога нивната снаа ги поканува да излезат и да разговараат накратко, дури и ако нема некоја посебна причина или прилика.

„Запознај ме како личност“

Секој е човек со чувства, сите свекрви некогаш биле снаи, имаат свои верувања и идеи и не се само додаток на мажот со кој се омажила снаата. Можно е свекрвата и снаата да си најдат многу заеднички нешта, само ако си дадат можност да го откријат тоа.

„Јасно изрази ги твоите очекувања“

Секоја жена има свои правила за домаќинството и воспитувањето деца и тоа треба да се почитува. Ако свекрвата е разумна личност, ќе ги прифати тие правила. Тие често ќе сакаат да помогнат, а можеби и не знаат како. Јасната комуникација е исто така клучот за овој проблем.

„Помогни ми да ги запознаам моите внуци“

Децата имаат многукратна корист од односот со нивните баби и дедовци, покажале некои истражувања. Кога свекрвата ќе добие од снаата фотографија или видео од внуците, тоа може да ѝ значи повеќе отколку што може да се замисли.

„Одвој време да изразиш благодарност“

Свекрвите сакаат кога им се нуди помош за средување по семејниот ручек. Грижата за внучето, исто така, може да биде огромно задоволство за свекрвата, но тоа не значи дека нејзината напорна работа не треба да се цени.

„Ти благодарам“

Свекрвата ќе биде благодарна за љубовта и почитта што забележува дека снаата му ги дава на синот.

Извор