Барате природен начин за регуларно варење на храната за вашите деца? Обезбедете ги следниве намирници богати со хранливи влакна и кажете ѝ збогум на констипацијата.

Констипацијата е чест проблем кај децата и главен извор за болки во стомакот. Постојат неколку причини за оваа состојба, вклучувајќи „задржување“ (давање отпор на потребата) и немање доволно физичка активност. Но, голема улога игра и начинот на исхрана. За жал, стереотипниот американски начин на исхрана – високо процесирана и брза храна и исклучително мал внес на овошје и зеленчук – ја влошува состојбата дополнително.

Ако барате природен начин за да ја зачувате регуларната состојба на дигестивниот систем, хранливите влакна се вашиот пријател. Тоа е така затоа што влакната ја прават столицата помека и пообилна. Тие полесно се преработуваат. Исто така, вашето дете треба да пие големи количини вода, што дополнително природно ја омекнува столицата. Доколку исхраната на вашето дете содржи мал внес на хранливи влакна, запомнете да ги додадете следните намирници, но полека (во мали порции на почеток), поради можноста од предизвикување гасови и подуеност при внес на голема количина влакна одеднаш. Препорачливо е децата да внесуваат 20 грама хранливи влакна дневно. Ако вашето дете јаде голема количина овошје, зеленчук и зрнеста храна, тоа го подобрува метаболизмот многу брзо, особено со следните 11 намирници:

1.Малини

Со осум грама хранливи влакна во само една чашка малини, ова овошје е едно од најбогатите овошја со влакна. Без разлика дали се свежи или смрзнати, ги добивате истите придобивки.

2. Компири

Пржените компири заменете ги со печени, варени или зготвени на пареа. Една чинија со средна големина има речиси 4 грама хранливи влакна (доколку ја оставите лушпата, дејството на влакната малку се зголемува).

3. Грашок

Четвртина чашка грашок има 3 грама хранливи влакна, а и начинот на негова консумација претставува забава за децата и тие го обожуваат.

4. Овесна каша

Пакетче инстант овесна каша содржи 4 грама хранливи влакна. На тоа додајте парчиња овошје за зголемена доза влакна, во комбинација со мед или јаворов сируп за заблажување.

5. Тестенини од цели зрна

Во една сервирана порција тестенини од цели зрна има 6 грама хранливи влакна. Ако вашите деца се навикнати на бели тестенини, направете мешавина од половина бели и половина тестенини од цели зрна, и наречете ги „зебра тестенини“.

6. Свеж грав

Сите зрнести плодови се добар извор на протеини, хранливи влакна и железо. Ставете свеж грав на вашите кесадиљи или измешајте во вашата бурито-смеса. Во четвртина чашка свеж грав има околу 3 грама хранливи влакна.

7. Ленено семе

Набавете мелено ленено семе (или сомелете го сами) за да ги добиете здравствените придобивки од овие мали хранливи централи. Со една лажичка ленено семе се зголемуваат здравите масти и хранливите влакна за 3 грама. Меленото ленено семе може да го додадете при подготовка на смути со мафини или вафли.

8. Авокадо

Четвртина чаша пасирано авокадо содржи 3 грама хранливи влакна, плус мононезаситени масти корисни за срцето. Додајте свеж сок од лимета и малку сол, со што на лесен начин ќе добиете гвакамоле-намаз, кој се служи со чипс или интегрален тост.

9. Пуканки

Послужете ги овие крцкави грицки, омилени кај децата, за ужина. Тие се всушност цели зрна. Подгответе ги сами, рецептот е лесен.

10. Круши

Една круша, со средна големина (со лушпа), содржи 5 грама хранливи влакна, што претставува четвртина од тоа што децата треба да го внесат во текот на ден.

11. Калинка

Една чаша од овие мали слатки зрна содржи 3 грама хранливи влакна. Јадете ги од рака или измешајте ги со јогурт или овесна каша.

Автор: Сали Куземчак

Извор