Ова лето актерката Мили Боби Браун посвои девојче, само неколку недели пред нејзината прва годишнина од бракот со сопругот Џејк Бон Џови. Познато презиме? Секако, повеќето мајки денес немаат проблем да се сетат кој е Бон Џови бидејќи за многумина тој е ѕвездата од нивните тинејџерски години. И иако знаеме дека сопругот на познатата актерка Мили Боби Браун е син на познатиот Џон Бон Џови, можеби не сме сфатиле баш дека познатиот пејач веќе станал дедо.

Познатиот пејач се појавил во поткастот „Дамб Блонд“, кој го води Бани Ксо и многу зборувал за својата нова улога во животот – улогата на дедо на мало девојче посвоено од неговиот син. Не е доволно да се каже дека ужива во својата улога – тој е апсолутно воодушевен од својата внука, па затоа не ги остава младите родители сами.

-Лудо е, но одлично. Прекрасно. Посвоија мало девојче. Сакам да ми праќаат фотографии секој ден. Веќе станувам напорен – рекол пејачот.

Во истиот поткаст Бон Џови зборувал и за тоа колку е воодушевен од својата снаа, актерката која е особено позната по серијата „Почудни нешта“, и открил зошто со сопругата дале благослов за нивниот брак. Тие тајно се венчале во мај 2024 година, во придружба на нивното најблиско семејство, вклучувајќи ги родителите на Џејк, Бон Џови и неговата сопруга Доротеа, а многумина беа изненадени бидејќи двајцата штотуку влегуваа во своите 20-ти години.

@xomgitsbunnie Had the best convo w/ The legend himself @Bon Jovi! Drops tomorrow for all listeners & Tuesday on YT! 🎙️👱‍♀️ #milliebobbybrown #bonjovi ♬ original sound – Bunnie Xo 🪄

-Таа е мила и вредна. Постојано ѝ кажувам колку ѝ се восхитувам бидејќи нејзината работна етика е неверојатна. Се венчаа многу млади, но ние го благословивме тоа бидејќи го разбираме. Тие се некако зрели за своите години. Таа доаѓа од семејство каде што нејзините родители се сè уште заедно и се венчале многу млади. Таа и Џејк се заљубија и ние само помисливме, во ред, ќе го поддржиме ова. И сè се одвива многу добро – заклучил Бон Џови.

Автор: Наташа Крстичевиќ

Извор