Голем дел од идните мајки веруваат во идејата дека женските тела се создадени за раѓање. Тоа е мантра што на повеќето им помага при породувањето.

Телото на жената е неверојатно моќно, но исто и митот околу нејзината способност за закрепнување по породувањето. Да, породувањето е природно и нормално, но и многу тешко. Општеството треба да го признае ова за мајките да можат да добијат поддршка и време за да закрепнат.

Науката вели дека породувањето е потешко за телото на мајката отколку трчањето маратон – додека спортистите се одмораат и нивните повреди се третираат, за мајките нема одмор.

На многу начини трчањето маратон и породувањето се слични искуства. Истражувачите забележуваат дека и во двата случаи се обидуваме да заборавиме колку болен беше настанот, и во двата случаи ги туркаме телата над границите. Истражувачите сметаат дека породувањето е исто толку трауматично како и многу издржливи спортови.

Но, тркачите почнуваат на почетната линија добро одморени. Кога жената ќе почне со пораѓањето, таа е веќе исцрпена.

– Ние се исцрпуваме кон крајот на бременоста. Последните недели и месеци од бременоста се заморувачки – вели Холи Дансворт, професор по антропологија на Универзитетот во Род Ајленд.

За да имаат енергија при породувањето, мајките треба да бидат хидрирани и да примаат доволно железо и протеини – вели Дијана Спалдинг, акушерка и педијатриска медицинска сестра.

Истражување од 2015 година од Универзитетот во Мичиген покажа дека 25 отсто од мајките по породувањето имаат течност во јадрото на коскената срцевина или фрактури слични на фрактурите поврзани со стресот во спортот. Две третини од жените имале повреди слични на тежок мускулен притисок. Истражувањето сугерира дека до 15 отсто од мајките имаат повреди на карлицата што не се лекуваат, едноставно живеат со нив.

Според Јанис Милер, водечки автор на истражувањето, кога еден спортист ќе се здобие со една од овие повреди, се прави МРИ-снимка за да се провери повредата. Кога мајката ќе се породи и го има истиот проблем, тој често е минимизиран и не е дијагностициран. Ова прави жените да се збунети и загрижени за симптомите, а непроверените физички проблеми може да предизвикаат последици врз менталното здравје на мајката.

Науката покажува дека породувањето е исто толку тешко за телото колку и трчањето маратон, и може да резултира со слични повреди. Но, дури и кога повредите не се фактор, доказите посочуваат дека породувањето е потешко отколку трчањето маратон.

Слободно прашајте ја Амбер Милер, која има истрчано шестчасовен маратон, а потоа истиот ден се породила.

– Породувањето дефинитивно е потешко отколку трчањето маратон. Дајте ми маратон кој било ден – вели таа.