Колку и да се трудиме, понекогаш ќе доживееме неуспех кога најмалку очекуваме. Откако ситуацијата нема да заврши како што сме планирале, може или да нѐ скрши или да биде мотивација и лекција за во иднина. Со неуспехот почнуваме да се справуваме уште од мали нозе, а на таа возраст неуспехот во некои ситуации всушност може позитивно да влијае врз децата.

Неуспехот им помага да станат посилни и помудри во соочувањето со идните предизвици и препреки. Ова се најкорисните животни лекции кои можат да им помогнат на децата да напредуваат, дури и кога работите не одат според планираното.

Неуспехот ќе ги научи да работат понапорно во иднина

Иако понекогаш на децата им се чини дека по неуспехот нема да бидат успешни во ништо, ситуацијата во која се наоѓаат всушност ги „учи“ и ги поттикнува да се трудат уште повеќе. Неуспехот може да им помогне да разберат дека ситуацијата во која се наоѓаат не е трајна и дека секој неуспех е можност да се започне одново со уште поголема решителност.

Способност за решавање проблеми

Кога децата не успеваат да постигнат цел, тие можат да развијат вештина да научат други начини за решавање на проблемот. Ако едно решение не функционира, можат да најдат друго. Неуспехот, всушност, има моќ да го стимулира креативното размислување кај децата и да им помогне да станат подобри во решавање проблеми во иднина.

Упорност

Честопати е потребно одредено време за да се постигне посакуваниот успех. Децата што не успеваат во сè при првиот обид ја дознаваат вредноста на упорноста дури по неколку неуспеси. Откриваат дека упорноста е клучот за постигнување на целите.

Понизност

Децата, исто како и возрасните, учат од грешките, а прифаќањето на тие грешки го поттикнува нивниот сопствен раст. Благодарение на неуспехот, децата учат дека неуспехот во нешто не значи крај и дека е прифатливо понекогаш да не се постигне сè што наумиле. Бидејќи не успеале во нешто, децата можат подобро да прифатат конструктивна критика и совет за да постигнат подобри резултати во иднина.

Флексибилност

Неуспехот е резултат на тоа што работите не одат според планираното. Поради неуспехот, децата учат дека е неопходно да се менуваат со текот на времето и правилно да се приспособат.

Саморефлексија

Кога ќе се соочат со неуспех, децата ќе одвојат момент за себе и ќе размислат што тргнало наопаку и што можат да променат и да направат подобро во иднина. Преку саморефлексијата тие стануваат посвесни за своите силни и слаби страни, што им овозможува да носат помудри одлуки во иднина.

Емпатија

Емпатијата е важна особина што треба да ја имаат сите деца. Тоа е важно бидејќи ги учи децата дека секој што презема нешто и дејствува, понекогаш ќе доживее неуспех. Наместо да ги исмеваат, децата можат да ги поддржат овие лица и да им помогнат да ги лоцираат своите проблеми, или едноставно да покажат сочувство за она низ што поминуваат.

Храброст

Децата учат да бидат храбри преку неуспех. Тие откриваат дека правењето грешки е неопходна компонента на учењето, а не нешто од што треба да се плашиме. Децата се повеќе подготвени да пробуваат нови работи и да преземаат ризици, кога ќе разберат дека неуспехот е вообичаена работа.

Извор