Родителите знаат колку е исцрпувачко кога детето дваесет пати ќе праша „зошто” во период од половина час. Колку и да е оваа фаза предизвикувачка, таа е исклучително важна за развојот на детето.

Околу втората или третата година од животот децата влегуваат во период кога сакаат да разберат и знаат сѐ. Постојаното поставување прашања како „Зошто е небото сино?“ или „Зошто мачката мјаука?“ не е само знак на љубопитност, туку е клучен чекор во нивниот развој на размислувањето и говорот.

Што значи кога детето постојано прашува „зошто“?

Учат за светот: Прашањата се начин на кој детето ја истражува и ја разбира околината.

Развиваат логика: Тие ги поврзуваат причината и последицата, што помага во развојот на критичкото размислување.

Го усовршуваат говорот: Дијалогот со возрасните им помага во проширување на вокабуларот и формирање реченици.

Како најдобро да одговорите на детските прашања „зошто“?

Одговорете јасно и едноставно: Приспособете го одговорот според возраста и нивото на разбирање.

Поставете и вие прашање: Прашајте го детето „Што ти мислиш?“ и поттикнете го да размислува.

Бидете трпеливи: Повторувањето е нормално, секој одговор помага во развојот на детето.

Признајте кога не знаете: Кажете „Не знам, но може да откриеме заедно”, што ќе поттикнува долгорочна желба за учење.

Извор