Екраните се лоши. Екраните лошо влијаат врз децата. Екраните лошо влијаат врз многу аспекти од однесувањето на децата. Екраните лошо влијаат врз мозокот. Има многу, многу такви тврдења. Навикнати сме на нив и најчесто се согласуваме. Знаеме дека екраните не се добри. Одвреме-навреме се јавува некој кој вели дека тоа не му е од витално значење и не бега од екраните, односно не им ги негира на своите деца. Но, таквите се ретки.

И тогаш се појавува оваа наставничка и вели дека децата од генерацијата алфа, кои во американското говорно подрачје често ги нарекуваат ајпад-деца, имаат особено високо ниво на емоционална интелигенција.

Молам?

Елис Ленди, наставничка на ученици од петто одделение, на платформата „Тик-ток“ споделила искуство на кое посведочила меѓу нејзините десетгодишни ученици и раскажала ситуација во која била изненадена како тие успеале да го решат конфликтот. Некои деца, вели таа, изгледале многу емотивно зрели. „Се чувствувам како да се израснати од генерација родители кои биле на терапија, како да ги прекинуваат циклусите на генерациска траума, завршиле со неа и тоа навистина се покажува кај некои од овие деца“, рекла Ленди.

Таа објаснила како неодамна забележала расправија меѓу двајца нејзини ученици, кои имаат 10 и 11 години. Пред да има можност да се вклучи и да ја прекине караницата, едно од децата мирно му се обратило на другиот ученик. Момчето му кажало дека забележало како „многу работи му се случуваат“, па сето тоа го проектирало на него. Тој предложил да почекаат „двајцата да се смират“ за зрело да разговараат за ситуацијата.

Наставничката била прилично изненадена од брзината со која детето ги контролирало своите емоции и ја смирувало ситуацијата, а особено од фактот што детето не го сфатило лично она што го направило детето кое го предизвикало конфликтот – ова е нешто што многу возрасни сè уште не знаат и не го прават.

Иако тоа е веќе утврдено, има навистина негативни последици од времето поминато пред екраните и тоа дефинитивно не придонесува за правилен развој на членовите на генерацијата алфа, но сепак се чини дека со рамнотежа може да има и одредени позитивни ефекти за овие деца. Со растењето во дигиталната ера не е лесно да се најде и да се постави граница. Но, кога ќе ја најдеме таа предност, користењето технологија во животот на малите деца може да биде корисно.

@littlelandy Gen Alpha both intrigues and terrifies me #genalpha #teachersoftiktok #elementaryteacher #emotionalintelligence ♬ Out Of The Woods (Taylor's Version) – Taylor Swift

Тоа што сте родени во дигиталниот свет не мора да значи дека припаѓате на генерација на деца кои се предодредени да постигнуваат полоши резултати. Развојот на детето, на крајот на краиштата, во голема мера се однесува на свесноста на родителите за ефектите што технологијата ги има врз нивните деца.

Наставничката Ленди објаснила дека кога била на нивна возраст, веројатно се расплакувала и ѝ кажувала на наставничката дека се скарала со друг ученик. Таа и многу други го изразиле своето воодушевување од емоционалната интелигенција на некои од овие деца.

Автор: Луна Николиќ

Извор