Децата не го зајакнуваат бракот. Онаму каде што бракот е добар, со децата може да стане уште подобар. Таму каде што не е добар, станува полош. Стабилните бракови се стабилни без разлика колку деца има. Значи, детето е такво каков што е бракот.

Во бракот има четири нивоа на комуникација меѓу партнерите: духовно, интелектуално, емоционално и физичко. За добар брак треба да функционираат најмалку две нивоа. Кога ќе попушти едно или две, треба да се поработи на другите – објаснил Јеротиќ.

Затоа сопружниците секогаш треба да бидат подготвени на компромиси и промени.

Мајката со нејзината љубов кон детето манифестирана со доење, грижа и наклонетост (не прекумерна грижа, бидејќи оваа грижа е знак на невротичен страв кај мајката) – а на оваа мајчинска љубов наскоро ѝ се придружува и таткото и тие остануваат доследни во изразувањето на вистинските чувства кон детето (останувајќи постојано приврзани еден за друг во љубовта), тогаш се создаваат поволни услови за вербата на детето во животот да остане трајна.

Она што ќе одлучи дека детето неправилно се развива е недостигот на топлина, сигурност и авторитет од самите родители. Затоа што ако детето е навистина беспомошно на почетокот, од кого може да го добие првиот неопходен импулс кон сигурност и грижа освен од родителите? Тоа нема никаков друг критериум за сопствената вредност освен признанието што го добива од најблиското опкружување.

На малото дете повеќе од кога било му треба внимание, дружење, заштита, морално охрабрување и љубов. Претпоставката е дека љубовта всушност се раѓа на таа рана возраст, кога детето чувствува дека неговата потреба за сигурност е релативно задоволена, а дека ја задоволила пред сѐ мајката, која во неа ги внесува своите непосредни и несебични чувства, истакнал Јеротиќ.

Извор