Во Исланд името на детето не се објавува до церемонијата на крштевање или именување (за оние што се помалку религиозни). Сепак, оваа церемонија може да се одржи неколку месеци по раѓањето на бебето. Некои велат дека затоа многу Исланѓани имаат прекари кои немаат никаква врска со нивните вистински имиња. Прекарот е нешто што се појавило во периодот додека сите го чекале своето „вистинско“ име.

Законски, исландските родители имаат рок до максимум 6 месеци за да го регистрираат името на своето бебе. Меѓутоа, ако чекаат подолго од тоа, ќе бидат казнети (се пресметуваат околу 10 евра дневно).

Факти за исландските имиња, закони и бонтон за именување

-Има само 3 имиња што се користат и за девојчиња и за момчиња, преостанатите се базираат на пол.
-Сите исландски имиња имаат значење.
-Исланѓаните немаат семејни имиња, со неколку исклучоци.
-Исланѓаните имаат посебни зборови кога некој го носи истото име. Кога две жени носат исто име, тие се „нофнур“, а кога двајца мажи носат исто име, тие се „нафнар“. Понатаму, кога две жени го имаат точното име од почеток до крај (на пример, двете се викаат Марија Кристин Поркелсдотир), тие се она што се нарекува „алнофнур“, што во основа значи „цело-исто име“. Машката верзија е „алнафнар“.
-Исланѓаните не ги менуваат презимињата кога стапуваат во брак. Системот им ги поедноставува работите, особено во овие модерни времиња, каде што разводот е толку вообичаен. Повеќето семејства имаат неколку презимиња за своите членови.
-Постои древна традиција на Исланд да се именуваат децата по оние што се појавуваат кај мајката во нејзините соништа, додека таа е бремена. Ова е направено од страв дека нероденото дете ќе биде повредено ако мајката не го послуша барањето на посетителот од сонот. Се верувало дека ова е особено точно ако човекот што им се појавува во сон е починат.
-Порано Исланѓаните, а некои и сега веруваат дека имињата имаат моќ. Ова би значело, на пример, дека родителите на момче кое било болешливо при раѓањето честопати го нарекувале Офејгур, што во основа значи „бесмртно“.
-Некои имиња се дозволени само како лични имиња, а други се дозволени само како средни имиња.

Како Исланѓаните избираат имиња за своите деца?

Нема сомнение дека сè уште постои многу силна традиција на именување по родители или баби и дедовци. Иако традицијата не е ни блиску до тоа што била, луѓето често зборуваат дека сакаат да ги именуваат своите деца по најблиските. Ова може да е поврзано и со чувството на мала заедница, а со тоа и блискоста на повеќето семејства. Бабите и дедовците често играат многу голема улога во животот на нивните внуци.

Исландски комитет за именување

Исланд има комитет за именување што ги одобрува или отфрла имињата што никогаш претходно не биле користени.

Владата создала комисија од адвокати, професори по исландски јазик и други квалификувани научници за да ги толкуваат законите донесени од парламентот. Се состануваат еднаш месечно и ги поминуваат сите апликации. Некои од нив поминуваат, а други не. Новоприфатените имиња се секогаш присутни во вестите, покрај оние што се одбиени. Делот за коментари е често доста активен во тој момент, бидејќи луѓето се чини дека имаат многу силни мислења за тоа зошто и како да се именува детето.

Законите за именување кон кои се придржуваат, во основа наведуваат 3 работи:

-Името не може да му предизвика штета или тешкотии на наведеното лице.
-На момчињата мора да им се даваат машки имиња, а на девојчињата женски.
-Името мора да може да ги следи исландските граматички правила и приспособувања.

Можеби не е големо изненадување, но самото постоење на овој одбор било критикувано во последните години. Некои дури отидоа дотаму што велат дека тоа е против основните човекови права. Тие што сакале да го задржат одборот најмногу се расправаат за јазикот и граматиката.

Еве неколку одобрени имиња заклучно со крајот на 2019 година:

-Солулфур (машко)
-Марион (машко)
-Систа (женско)
-Линд (женско)

А овие биле одбиени:

-Кона (женско)
-Тео (машко)
-Зелда (женско)
-Сион (машко)
-Алекс (женско)
-Суки (машко)
-Тхурид (женско).

Но, дури и со популарноста на уникатните имиња на познатите личности или трендови, факт е дека повеќето од почесто застапените имиња остануваат исти во Исланд. Ова веројатно се должи на силната традиција на именување по родители/баби и дедовци. Околу 35% од младите Исланѓани ги носат имињата на нивните баби и дедовци. А ако се погледнат постарите генерации, бројките се уште поголеми.

Најчестите женски имиња:

-Гудрун
-Ана
-Кристин
-Сигридур
-Маргрет
-Хелга
-Сигрун
-Ингибјорг
-Марија
-Јохана

Најчестите машки имиња:

-Јон
-Сигурдур
-Гудмундур
-Гунар
-Олафур
-Ејнар
-Кристјан
-Магнус
-Стефан
-Јохан.

Извор