За мајката да обезбеди доволна количина квалитетно млеко за бебето, би требало да води сметка за исхраната во периодот на доењето. Покрај тоа што исхраната мора да биде балансирана, потребно е и за време на доењето да се придржува до следните правила:

1. Јадете кога сте гладни.
2. Не прескокнувајте го појадокот бидејќи тој го покренува метаболизмот.
3. Јадете разновидна храна бидејќи различноста на мириси и вкусови во млекото ќе му помогне на вашето бебе полесно да ја прифати немлечната храна.
4. Житариците нека бидат основа на оброкот, како што е интегралниот, кафеав ориз (се спречува запекот).
5. Овошјето и зеленчукот се особено важни бидејќи ги содржат потребните состојки и витамини.
6. Внесете протеини преку млеко, риба, јајца или месо (месото ќе ја задоволи и зголемената потреба за витаминот Б6, железото и цинкот).
7. Пијте и пред да бидете жедни, и тоа вода, природни сокови од овошје и зеленчук, млеко, супа… Земете чаша вода или цеден сок секогаш кога го доите бебето.
8. На мајките што дојат им е потребен калциум. Најдобри извори на калциум се: брокулата, зелката, сокот од портокал, житариците, тиквата, лососот.

За време на доењето избегнувајте:

– слатка и мрсна храна, како и слатки сокови;
– јаткасти плодови;
– алкохол и цигари;
– грицки;
– кофеин (може да предизвика гасови кај бебињата);
– лута храна и храна со силен мирис, на пример, лук, брокула, карфиол, зачини, грав (може млекото да го направи непријатно и кај некои бебиња да предизвика вознемиреност);
– одредени лекови (проверете со лекар што можете да земате);
– интензивни, строги диети.

За исхраната во периодот на доењето консултирајте со педијатарот на бебето.

Извор



912

X