Финиот моторен развој е од витално значење за самодовербата, грижата за себе и независноста на вашето дете. Понатаму, зголемената контрола на фината моторика ја подобрува нивната игра и ги подготвува за иден успех. Фините моторни вештини се координирани мали мускулни движења во рацете, прстите, палецот и во зглобовите. Овие мали движења вклучуваат користење само на палецот и еден прст за да земете нешто (фаќање со штипка), сила за манипулирање и фаќање предмети, користење на двете раце за задачи и координирање на овие движења (координација рака-око).

Фината моторна координација бара добра основа за бруто-моторен развој за успех. Големите мускули им помагаат на малите мускули. Ние мора да ги поттикнеме нашите деца да истражуваат, да играат и да комуницираат со различни материјали. Тие треба да бидат охрабрени да нижат мониста, да ставаат коцки, да составуваат едноставни загатки, што ги учи како да манипулираат со предметите со превртување, вртење и поставување.

Други мали моторни вештини за деца од предучилишна возраст може да вклучуваат: сечење со ножици, држење и користење молив, боење, чкртање или цртање со маркери, боички или креда, манипулација со тесто за играње, склопување блокови, играње игри на табла, отворање и затворање работи (брави, капаци, кутии), јадење со прибор, држење и пиење од чаша, миење на забите итн. Во училиште од децата се очекува да завршат задачи кои бараат и фини моторни вештини. Без разлика дали држи молив, ножици или ракува со мали предмети, фината моторика е важна.

Пресвртници на фината моторика кај малите деца

Еве краток преглед на финиот моторен развој на децата во текот во првите 5 години.

– Раѓање до 18 месеци – во раното детство вашето дете треба да научи да фаќа играчки со двете раце и да ги удира една од друга; да собира мали предмети, да покажува кон некој предмет со показалец, да ги фрла играчките, да гради кула од три блока, да посочува на слики во книги.
– 2 години – на оваа возраст вашето дете учи да изгради кула од 6,7 или повеќе блока, држи молив во доминантната рака и чкрта, врти страници на книга, препознава детали на сликите, започнува да црта линии, кругови и слично.
– 3 години – на 3 години вашето дете може да изгради кула од најмалку 10 блока, да ниже големи дрвени мониста на конец, да држи молив со правилен стисок, да црта личност со глава и неколку карактеристики, да слика со голема четка за цртање, да сече со играчки ножички.
– 4 години – на 4 години вашето дете учи да изгради кула од над 10 блока, има правилен фат на молив, црта личност со раце, нозе, прсти, црта куќа, копира букви, крстови и кругови, сече права линија, знае да се облече и соблече само.
– 5 години – од 5-годишна возраст вашето дете треба да биде способно: да ракува со ситни предмети, да копира и гради посложени кули и конструкции, да покажува добра контрола кога пишува со молив или слика со четка, црта со детали, бои свој цртеж и внимава на линиите, копира квадрат и триаголник, сече со точност.

Предлог-игри за развивање на фината моторика:

– Кула од прстени – оваа игра со ставање кругови на дрвена греда дефинитивно бара координација очи-раце. Ги зајакнува фините моторни вештини додека се забавувате.
– Патент, копчиња, врвки – ова е одличен начин за малите и децата од предучилишна возраст да ги зајакнат фините моторни вештини, како и да научат како да извршуваат некои важни задачи. Тие учат како да ги закопчуваат своите алишта, патентите и чевлите со врвки, сето тоа играјќи со оваа играчка која може да ја изработите сами на картон и хартија или пак да ја пронајдете на интернет за порачка.
– Спирала со мониста или дрвени форми – тие се одлични за деца од сите возрасти. Сепак, предноста на големите мониста е во тоа што тие се идеални за помали деца. Но оваа играчка е одлична за зајакнување на фината моторика.
– Пеперутка СТЕМ-играчка – оваа играчка за пеперутка е одличен начин за зајакнување на фината моторика. Оваа играчка доаѓа со пинцети кои вашето дете може да ги користи за да ги сортира пеперутките, да ги брои или дури и да креира шаблони користејќи ги пеперутките.
– Лавиринт со различни форми и бои – оваа играчка со лавиринт е одлична за зајакнување на фините моторни вештини.
– Исплети ја мрежата на пајакот – содржи дрвена подлога со дупчиња, коноп и пластична играчка пајак. Додека детето го протнува конопот помеѓу дупчињата, ги развива своите фини моторни движења.
– Пица и бројки – пица составена од 6 парчиња. Со оваа игра учиме броеви, поврзуваме број со количина и развиваме фина моторика.
– Фризурата на Индијанецот – фигура изработена од тенко дрво во форма на Индијанец со мали дупчиња. Цврсти врвки во разни бои и дрвени топчиња. Додека ја изработуваат фризурата на Индијанецот со најразлични бои на топчиња, тие всушност ја зајакнуваат фината моторика.
– Интерактивна мини табла – картонска табла со квалитетни гумени животни и лепенки. Со оваа игра се поттикнува раното размислување и решавање проблеми. Се поттикнува говорот, се зголемува фондот на зборови и се развива фината моторика.
– Мафин – изработен од тврд картон со 4 шеми за редење на одредени места, штипка од дрво и малечки топки во различни бои. Овој мафин е одлична игра за вашите малечки да работат со фината моторика, стискајќи на штипката за да го фатат топчето и да го стават во мафинот.
– Коцка со активности – во коцката со активности може да ги движите фигурите низ лавиринтот, да ставате различни форми во празните делови, да вртите копчиња и слично, воедно зајакнувајќи ја фината моторика, концентрација и да се забавувате.
– Секој вид блокови (коцки), сложувалки, 3Д-форми за сложување исто така ја зајакнуваат и ја развиваат фината моторика кај децата.

Активности за развој на фината моторика:

– Активности со фино моторно сликарство – ништо не вели изразете се подобро од некои бои и голем лист хартија. Без разлика дали сликаат со прсти, четка за сликање, сунѓери, памучни топчиња или Q-Tips, тие градат фина моторна координација.
– Кинење хартија – eдноставните активности со хартија, како што се виткање или кинење хартија, создаваат фини моторни вештини.
– Aктивности со гума – ластиците или гумените ленти се градежен материјал при кој се употребува сила на прстите, совршен за фини моторни активности. Децата развиваат сила кога ги истегнуваат околу предметите. Постојат многу начини да ги користите за сите нивоа на вештини.
– Колаж со налепници – налепниците се најдобри. Ги сакаат и децата од предучилишна возраст и поголемите. Можете да користите налепници за да креирате колаж или сцена. Одлепувањето на налепниците од листот е одлична моторна активност, но може да биде незгодно. Потребна е фина контрола за да ги одлепите и потоа да ги ставите на хартијата.
– Префрлање вода со капки за очи, пипети или шприцови во калапи за коцки мраз – се разработуваат малите мускули на рацете. Тие ги изолираат прстите што се користат за пишување додека вежбаат стискање. Потребно е трпение и контрола за да не се испушта водата премногу брзо.
– Пејте песни со движења на рацете – на малите мускули на рацете на вашето дете им требаат повторливи, фини моторни движења за да се подобри координацијата и умешноста. Песните со прсти совршено се совпаѓаат за таргетирање на оние фини моторни движења како што се изолација на прстите, истегнување на прстите, фаќање со штипка, ротација на подлактицата и многу повеќе.
– Играње со прсти – играњето со прсти е фантастично забавен начин за вежбање фини моторни активности за мали деца и деца од предучилишна возраст. Тие се поврзуваат со многу други основни вештини, како што се свесноста за телото, вештините за слушање и развојот на вокабуларот. Најдобриот дел е што не ви требаат никакви материјали (освен ако не сакате да направите некои кукли со прсти, се разбира) и тие можат да се направат во секое време, на секое место.
– Направете форми од пластелин како зрнца пченка и нека вашето дете со прсти зема од нив и ги стиска во пластелинот, или јаготка, па малите црни точки да ги притиска врз пластелинот и слично.

– На сунѓер ставете чепкалки и на нив редете макарони, мониста и слично.
– Протнувајте врвка низ веќе залепени макарони.

Без разлика што работите со вашите деца, дури и низ игра и низ учење или изработувате градежни блокови, цртате, стискате, вие сакате да ги натерате вашите деца да ги користат нивните фини моторни вештини. Едноставните работи како сликање, стискање тесто, редење коцки или игра со вода, сето тоа го зголемува финиот моторен развој на вашето дете. Кои фини моторни активности ќе ги испробате следно?